“Şarê kurd û roşnvîrî na ravêreyeye hîna weş pêşwazîkerdiş rê bira xo dayî. Bira şarê kurdî, seba Kurdistanî ravêreyeyake muhîm îfade kena û şarê kurd 7’ê hezîrane de bira xo da.”
Îradeye nêşinasnayî
Endama Konseya Rayverî ya KJKe Ayten Dêrsim dîyar kerd ke peynîya weçînayîşê 7’ê hezîrane dijî heme hêrişan şarê kurd bira xo da û şarê kurd na babet de zî heqdar o û wina dewam kerd: “Çi heyf ke AKP, hukimato vîyarte û Erdogan îradeya şarê nêşinasnayî. Dijî nê hêrişan, şarê kurd zî îspat kerd ke şarê kurd bêçare nîyo. Çimkî nê 40 serra ke şarê kurd têkoşînê azadîye dano û bi hezaran şehîdê şarê kurd esto û yew duştê şarê kurd esto û no êdî şarê ma eşkeno bira xo bido.
Peynîya weçînayîşî zî ma serfirazîyeko gird qezenc kerd, labelê dewleta faşîst na îradeya şarî nêşinasna û bi lingê xo masaya muzakareye rijna û nika Tirkîyaye de dewlet bêhukimat reyde aver şona.”
Ma do qezenc bikerî
Endama Konseya Rayverî ya KJKe Dêrsim destnîşan kerd ke şarê kurd êdî qezencanê xo bes nêvîneno û do hîna hera xebatê xo bikero, do şarê kurd bêmîyan zereyê têkoşînî de bibo û wina dewam kerd: “Ma hetanê Rayver Apo azad bibo, ma do têkoşînê xo bidomnî. Hetanê ma kamîya xo biresî, şert o ke ma têkoşînê xo bidomnî. Nika verê ma de weçînayîşeko muhîm esto. Hetanê nika dewlete tena seba ma qirkerdiş û zilm rewa vîna. Mexdûrê qirkerdişê Pirsûs û Amedî waştî Enqereye de Mîtînga Aştîye bivirazî labelê dijî no waştişê AKP, Erdogan û DAIŞe bi hembarî verpersê qirkerdişî dayî. Nê dorûverê bizanî ke nêeşkenî ma bi qirkerdişan biqedînî. Ê çiqas hêriş û polîtîkaya qirkerdişî bişuxilnî zî wina birdarî û azmê şarî ona vejîyeno ver. Ez veng dana her kesî wa sindoqan ra wayîr bivejî.”
Dêrsim veng da cenî û ciwanan
Dêrsim qalîkerdişê xo de bal ant ser azadbîyîşê komeleye de rolê cenî û ciwanan û wina domna: “Ma qet verba qirkerdişan de azadîya xo û ya Rayverê xo ra fek vera nêdanî. Azadîya Rayverê ma, azadîya şarê ma ya. Ma vanî ke roja 1’ê Teşrîne dorûverê têkoşîn û kamîya xo de israr a. Ma zanî ke rayîrê azadîye zehmet o. Ez veng dana heme ciwan, cenî û şarê bindestan ra ke wa bêrî ma dijî zîhnîyetê faşîstî de bibî yew, bi rûhê seferberî de şêrî sindoqan ser, hem sindoqanê xo bipawî, hem zî derseko gird bidî no zîhnîyeto faşîst.”