Rêxistina Efû ya Mîyanneteweyî derheqê hêrişê dewleta tirkî ya Efrînî ser o raporêk amade kerde. Rêxistine rapor de bale anta neheqîyê ke Efrîn de benî ser û qala berpirsîyarîya dewleta tirkî kerde. Rêxistine dîyar kerdo ke şarê Efrînî bi taybetî hetê grûbanê sîlehinî ke girêdayeyê Tirkîya yî ra raştê neheqîyanê girdan yenî û wina dewam kerdo: “Nê neheqîyan ra tayê ci tepiştiş, bi hawayo zorî vînîkerdiş, destsernayîşê mal û milkê şarî û talankerdişî û sewbîna. Bi hezaran domanî hêrişan ver perwerdeyê xo ra mendî.” Mudurê Cigêrayîşê Rojhelatê Mîyanênî yê Rêxistina Efû ya Mîyanneteweyî Lynn Maaloufî va ‘Dagîrkerî û operasyonê dewleta tirkî, ser şarê Efrînî ke bi serran o şerêko gird reyde têrî mendo, hîna zêde kerdo’. Rêxistine veng dayo hukmatê tirkî ke wa fek neheqîyan ra verabido û dayo zanayene çîyê ke Efrîn de yenî cuyayene ra Tirkîya berpirsîyar a. ANF/BRUKSEL