La meraqeke camêrdan o zidar esto ke Homa safî bikero ; zayendey xo zehfêrî wazenê zayendey cênîya bişinasnê. Na coye ra tim meseley cênîya ra eleqeder benê.
Bi desturê şima bo, ma wazenê bi çend ristaya kurmêke ma yo kevnare esto tayke sero qisey biker. Çend rocî vercoy mamoste H.Aykol goşey xo do hayîyêk (xeberek) da wendoxanê xo . Vatên ke “Wa embazî camêrdî meseley cênîya sero nûşteya menûsnê...” vateyek zerrîn kerd.
La çi heyf no feraseto kevnar, ana rihet rihet mîyanê camêrdanê kurdan ra wenêdarîyeno ra. Vateyke dapîran esto vanê “kurmê şîrê heta pîrê, (kurmancî). Na coya ra camêrdê kurdî, zehf zehmeto ke xo destê enî ferasetî ra bifelitnê. Çimkî camerdo kurd hem derheqê meselanê xo de hem derheqê meselanê cenîya de en baş o zan o .
Senîn ke kêye de xo wayîrê her çîyan vîyneno, derheqê her mesele da, heqê vate vatîşî û mesûl o ewilin xo vîneno. Yanî xo verpersîyarê hemê çîyan û heme heqa xo rê heq û helal vîneno. Na coye ra azadî cêniy zî o dano. Vano: “Min cênîy ra dayê ra waye ra ana vato wina vato, vat û vat o.” Min vat o: “Şima serbert ê.” nizdîyey tay embazan, tay welatperweran eno awayo la camerdê no awa yê. Teyna vatiş de yanî qiseykerdiş de no awa yê. Kar de, keye de cemaet de awayek bîn de yo eke cênîy tay gorey zerrey xo ra tê bigeyro, ana mîyanê çiman û çarey xo çigirneno ke eke mîyanê çimanê ey ra biko war, do werdi werdi bibo. Hinde zerey xo de tengijîyeno, keno ke biteqo.
Zey îstîsna bo zî reye rey nûşteyanê tay embazan de ma ro ci raşt yenê. Vanê: “Cenîy ma kurdan ya zî cênîy kurdan, ser de zî pesnê îna danê.” La hetek ra zî, îna nêkero bi wayîr, yani îla îna rê wayîr nêvîno nêbeno. Ya zî wayîrê îna macneno ra dême vaco cênîy kurdî xo rê vîyneno la do cênîy senîn xoser bibê. Çi heyf feraset no awa yo.
La nêwazanê na raştîye bîvîynê se edî lazimatîyey cênîya kurde, bi wayîrî û şîretanê camêrdî çinîya. Tenya lazîmatî bi embaztîya raşte, serbestî û zeypêyî esta. Ney zî encax welatêke û pergalêke serbest de eşkenê bîyarê ca. Labelê çîyo ke ma xo vîra meker esto. Her zayend en baş ey xo bişênasnê û xo şinasnenê. Ey meseleyanê xo ra baş fam kenê, en baş ey reyey çareserîyey meselanê xo vîynenê. Miheqeq cênîy zî no awa vanê: “Wa camêrdî tenya ma rê verîstî mekerê bes o.”
FEHMÎ KOÇ / Zîndana Tokatî