Zîndanê Tîpa Tyî yê Tarsusî ke newe abîyo, roja ke kewto fealîyet ra nata tim bi neheqî, zext û îşkenceyan rojeve de yo. Her ke şono îşkenceyo ke hetê îdareyê zîndanî ra bi hepsîyan yeno kerdiş zêde beno.52 hepsîyê ke Zîndan de yî, vera îşkence û zextan de seba ke îdareyê zîndanî hişyar bikerî, seba 5 rojan grevê vêşanî dayî destpêkerdiş. Hepsîyan bi mabênkarîya keyeyanê xo îzehetêk dayî û eke waştişê înan nêro ca, ê do bi no hawa grevê vêşanî bidomnî.
Hepsîyan waştişanê xo zî sey 12 madeyan aşkere kerdî:
* Ganî derheqê kesê ke wextê surgin û sevkê zîndanan de hepsîyan derb kerdî de tehqîqatî biabî.
* Wa pêşnîyazê tek tîp cilan tepîya bêro antiş.
* Wa hepsîyê nêweşî bêrî tedawîkerdiş û seba nêweşxaneyî sewqê înan bêro viraştiş.
* Wa sehnayîşê ke benî sebebê tacîzî, peynî bibî.
* Pêvînayîşanê padayeyan de her kes bi nuştişê hûmara xo ya TCyî pêvînayîş keno. No sîstemêko teknîk o. Ganî no peynî bibo.
* Wa cezayê dîsîplîn û hucreyî peynî bibî.
* Wa temsîlkarîyê ma bêrî qebulkerdiş û dîyalogî bêrî ronayîş.
* Wa aktîvîteyê spor û sewbîna bêrî viraştiş.
* Wa postaya zere û teberî bêra qebulkerdiş.
* Muracatê sucî ke seba dozgerî û wezîrîyan yenî kerdiş, pulê posta yeno waştiş. Muracatî yenî astengkerdiş. Waştişnameyê ma nînî dayîş. Ganî no bêro wedarnayîş.
* Wa şert û mercê fîzîkî bêrî raştkerdiş.
* Kesê ke eşyayê înan yê şexsî ke dest ronîyabî ser, wa tepîya bidîyî înan.”
ŞÛJIN/MÊRSÎN