DILŞÊR ERNESTO
Şarê Şengale pêroyin şert û mercê dijwar ê zimistanê ver xo danê û heta nika bi hetkarîyê ke Rojawan ra ameynê û di dema korîdorê akerdbî de ser payê mendî. Rewşa şengalijan ser Serekê TEVDA Hesen Seîd dîyar kerd ke  şengalijan şertê dijwar ê zimistanê de seba ke destê xo axê ra veranêdanê, hadreyê ke bedelê bidî. Seîd aşkera kerd ke merdimê ke di koyê Şengale de manenê, wazenê di noca de bimanê û wina donma: “Ma keda kesê ke oca de manenê înan firaz kenî. Ma zey tevgera TEVDAye dîy ke bi seyan êzidî yê di koyê Şengale de rîbirî qirkerdişî de yê. Nê merdiman zî ê dîyê. Seba verdewama êzidîtîyê, seba ke kultura înan çin nêbo, koyê Şengale de mendişê tercîh kerdî.”

LAZIMEYÊ CILÊ EST O
Seîd ciresna ke koyê Şengale seba şar gelek firaz a û wina vat: “No ser zî semedê merdimatê di noca de manenî. Ma wateye danê ked, xoverodayişê înan û ma firaz vînenî. Ma zey TEVDAye di noca de xebat meşîyenî û xurekê vila kenî. Ma şarê reyde kombîyayişan pê anenê. Di hetê TEVDAye na hûmara malbatê ke amey qeydkerdiş 1446 a. Di koyê Şengale de mîyanê 10 û 12 hezarî de merdim estê. Di mîyanê şert û mercê zehmet de cuyenê. Lazimî bi kon, cil, berg û solan est o.”Seîd destnîşan kerd ke hetkarîyê komeleye û cuyayişê înan di noca de ameya kerdiş di hetê TEVDAye amey kerdiş û heta nika nê merdim bi nê hetkarîyan ser payê û wina dewam kerd: “Di akerdişê konan bigrê heta vilakerdişê xurekê embazê ma yê TEVDAye kerdî. Hewna kombîyayiş û xebatê rayvistkerdişê zî ma meşîyenî. Ma her kampê komîsyonek rayvistiş kerd. Sazîyê Rojawan seba ma benî alîkar.”
BAWERÎ Û ÎRADE MUHÎM O
Seîd bal ont ser muhîmîya korîdor û wina donma: “Dema ke korîdor bêro akerdiş alîkarîya seba êzidîyan hîna rehet bireso. Alîkarîyê tena Rojawan ra ameyo. Dema ke gelek merdim û komek bi îrade biciwî her cureyê zor û zehmetîyê çareser keno. Bi deh hezaran kesê di noca de manenî. Bi îradeya xo di noca de cuyenî. Emserr zimistan lez ame koyê Şengale. Varan zaf vara. Malbatê di noca de manenî seyî 85’ê bê kon î. Koma bi bin varanê de manenî û cil û bergê înan kêm o. Seyî ra 50’ê domanê bê sol î. Hewna zî bi bawerî xo di noca de yê.” Seîd ciresna ke alîkarîya ke ameya waştiş hema zî nêresayo destê înan, tenya alîkarîyê Rojawan resayo înan, hetkarîyê di hetê şarê ê yê kurd ameyo resnayiş. Seîd dîyar kerd ke hetê hukûmata Federal a Kurdistane zî hetkarîyê hutelek ame kerdiş, lazimeya înan qiym nêkerdo û no ser zî tikey çareser kerdî, hetkarîyeke hutelek bî.

Dinya verba zilmê DAIŞê bêveng o
Seîd di dewamîya qisekerdişê xo de vat: “Raştîyek di noca de est o. Di hetê wijdanî, exlaqî de çikê ke ma wazenê vajê est o. Wa her kes xo berpirsîyar bivîno. No wezîfayeke merdimatî yo. Bi taybetî hukûmata Bexda û hukûmata Federal a Kurdistane wa dijî no şarê berpirsîyar têbigerê. Taybetê nika lazimeyê ma kelmelê zimistanî est o. Hewa gelek serd o. No ser zî lez wa korîdorek bêro akerdiş. Ger nêeşkeno bêro kerdiş zî wa hukûmata Federal a Kurdistane û hukûmata Bexdaye heme derfetê xo bikar bîyarê, rayîrê helîkopterî awan bikerê.”Seîd di peynîya qisekerdişê xo da zanayiş ke wa demildest korîdorek bêro akerdiş û destnîşan kerd ke waştişê înan ayo ke rayverê îslamê no zilmê DAIŞê şermezar bikerê û vajê ke qet eleqayê nê kesan di îslamîyetî de çin o.


 ŞENGAL