Kerîm vat ke nika mekaqanûno newe merheleya nuştişî de yo, ê komîsyonê ra vernîyazê xo kerdî û wina vat: “Taybetê problemeke cenîy cuyenî, ma seba çareserîya nê probleman vernîyazê xo kerd. Ma wazenê verê fuhişkerdişê cenî û sunnetkerdişê cenîyê bigêrî. Ganîyo ke heqê mîrasî newe ra bêro dîzaynkerdişî. Tewr kêm nika ra pey heme xebatan de kotaya cenî seyî ra 40 bibo. Taybetê pergala hemserektî zey sewbî parçeyê Kurdistanî, ganîyo Kurdistanê Vaşûrî de zî bêro şuxulnayişî. Ma bawer kenî ke vernîyazeke kerdî do mekaqanûno newe de cayê xo bigêro.”
Pergala meclîsî
Kerîm ciresna ke 24 serra ke Kurdistanê Vaşûrî de mekaqanûneko demokratîk çin o, ganîyo ke Kurdistanê Vaşûr bi pergala meclîsî de aver şîro û wina vat: “Qanûneke estbî pêroyin şar û dînan temsîl nêkerdî, qanûnî zî qet demokratîk nêbîyê, ma zî seba temsîlbîyîşê heme şar û dînan vernîyazê xo komîsyonê ra kerd. Ma wazenê Kurdistanê Vaşûr de pergala meclîsî bibo, çimkî pergala serektî Kurdistanê Vaşûrê ra zirar dana. Ma vernîyaz kerd ke do serekê Kurdistanê Vaşûrî wa meclîs biweçîno, eke pergala meclîsî bibo do meclîs serekê biweçîno. Serek zî meclîs kontrol bikero.”
JINHA/SILÊMANÎ