Çalakîyê ke vera tecrîdî de yenî viraştene, her ke şonî zêde benî. 51 nuştox û roşnvîrê ke tarîxanê cîya-cîyayan de Xelata Nobelî girewtî, metnêk eşkera kerdî û azadîya Rayberê Şarê Kurdî Abdullah Ocalanî û heme hepsîyanê sîyasîyan waştî.
Grûba ke Almanya de xo sey ‘dostê kurdan’ dana şinasnayene, seba ke tecrîdo ke Rayberê Şarê Kurdî Abdullah Ocalanî de esto wedarîyo, Çileyê 2019î de kampanyaya îmzeyan daybî destpêkerdene. Kampanya o wext ra nata bêmabên dewam kena.
51 nuştox û roşnvîrê ke serranê cîya-cîyayan de Xelata Nobelî girewtî, metnêkê vengdayîşî eşkera kerdî û destek dayî kampanya. Metno ke ameyo eşkere kerdene de ca dîyayo tecrîdo ke dewam keno û vera tecrîdî de grevê vêşanîye ke ameyî destpêkerdene.
Metnê nuştox û roşnvîran de ameyo vatene ke ê sey wayîrê Xelata Nobelî veng danî Tirkîya ke wa seba wedaritişê tecrîdî gaman bierzo û hepsîyanê sîyasîyan serbest verado. Nuştox û roşnvîran dewamê metne xo de wina vato: “Ma destek danî Leyla Guvene û kesê bînî ke grevê vêşanîye de yî. Wa Tirkîya Abdullah Ocalan û heme hepsîyanê sîyasîyan serbest verado û wa grevê vêşanîye biqedyî.”
Nuştox û roşnvîrê ke metnî îmze kerdî nê yî: “Adolfo Perez Esquîvel, Betty Wîllîams, Desmond Tutu, F.W. De Klerk, Jody Wîllîams, Jose Ramos-Horta, Leymah Roberta Gbowee, Maîread Corrîgan Maguîre, Osca Arîas, Shîrîn Ebadî, Dudley R. Herscbach, Elîas James Corey, Gerhard Ertl, Joachîm Frank, John C. Polanyî, Kary B. Mullîs, Rîchard Henderson, Robert H. Grubbs, Roger D. Kornberg, Thomas R. Cech, Walter Gîlbert, Yuan T. Lee, Edward C. Prescott, Erîc S. Maskîn, Fînn E. Kydland, Olîver Hart, Alîce Munro, Elfrîede Jelînek, J. M. Coetzee, Marîo Vargas Llosa, Wole Soyînka, Carol W. Greîder, Edmond H. Fîscher, Erîc R. Kandel, Erwîn Neher, J. Robîn Warren, Jack W. Szostak, Leland H. Hartwell, Louîs J. Ignarro, Sîr Rîchard J. Roberts, Sydney Brenner, Thomas C. Sudhof, Tîm Hunt, Torsten N. Wîesel, Anthony J. Leggett, Gérard Morou, Kîp Stephen Thorne, Sheldon Glashow, Steven Weînberg, Wîllîam D. Phîllîps.”
Seba baleantişî kampanyaya afîşî dest pêkerd
Heto bîn ra aktîvîstê Almanî no hewte dest bi kampanyaya aliqnayîşê aşîfan kerde. Kampanya hetê Têgêrayîşo Femînîst (Ma pîya mucadele bikerê) û Tatort Kurdistan (Cayê qewimîyayîşî Kurdistan) yo ke xeylî wexto ke seba ke bale binaco serê şerê Kurdistan xebatanê xo domneno ra yena oraganîzekerdene. Aktîvîstî bi na kampanya bale ancenê serê 7 hezar tepişteyanê ke zîndanan de grevê vêşanîye de yê û rewşa înan a krîtîke.
Afîşê xo cayêk de darde bikerê
Organîzatoranê Kampanya ra Ella Bremere derheqê kampanya de qisey kerd. Bremere da zanayene ke bi taybetî bajaranê sey Berlîn, Hamburg, Leipzîg, Koln, Frankfurt û Munihî de pankartî do berê aliqnayene û wina va: “Eke şima wazenê vengê xoverdayoxan bidê eşnawitene afîşê xo cayêk de darde bikerê. Bi na kampanya ma wazenê ke vengê xoverdayoxan hukmatê Almanya û CPT rê bidê eşnawitene. Wa mekteb, keye, cayê karî, wesayît, pisqilêt, dare, hêga û sewbîna kura de beno wa bibo wa her kes yew afîş bialiqno, fotografê ci bianco û medyaya komelkî ser o pare bikero. Kam ke biwazo eşkeno fotografanê xo nê adresan ser o ma rê bişawo: Seba Sîgnal, Whatsapp û Telegramî hûmara telefonî +49 177 138 0767, e-maîl 7000gegenisolation@riseup.net, Twîtter / Instagram: #7000gegenIsolation.”
26