Prof. Davîd Harvey zey qiseykerdoxe beşdarî konferansa bi nameyê ‘Dijvejîyayişê Modernîteya Kapîtalîst 2’ a 3 û 5’ê nîsanê di şaristanê Hamburga Almanyayê de ame viraştiş bî, destnîşan kerd ke di dijî krîzê modernîteya kapîtalîst de dinyaye ra ber akerdeyo, di Rojawanî de pergaleke alternatîf û konfederal a demokratîk yena awankerdiş û dîyar kerd ke wa destek Rojawan ra bêro dayiş.
Ez wazena şîra
Harvey aşkera kerd ke o verê konferansê heqê Rojawan de agahdar bîyo la di konferansê de peynîya nîqaşan hîna agahdar bîyo û wina vat: “Di konferansê de min vîna ke verba kapîtalîzmî têkoşîneke yena dayiş. Hetta na têkoşînê înan tena di qiseyê de nêmaneno û Kurdistanê de zî na têkoşîna xo pratîk kenî. Bi serrana ke ez zî seba no fikrê têkoşîn dana û êdî bi têkoşîna şarê kurd no fikrê min raşt bena. No zî min zaf bi kêfweş kena. Min fikrê Abdullah Ocalanî sewbî dorûveran ra hesîya bi la di konferansê de min fikrê ey û heqê Rojawanî de wayîrê agahîyan bîyo.”
Heqê rojawan agahî
Harvey ciresna ke o verê no konferansê heqê Rojawanî agahî weş eşnawit bîyo la di konferansê de vînayo ke di Rojawanî de cuyayişeke altertanîf yena înşakerdişî, di Rojawanî de bingeyîya şarê dijî antî kapîtalastî yew pergala wazîyeno bêro înşakerdiş, bi pawiyayişê cewherî, rayvistişî wazîyeno heme komeleyê rayverîya kantonan ra beşdar bibo.
Harvey wina vat: “Min musa ke zey rayvistişê cuyayişê kolektîf, komunan û komeleyê est ê, hewna taybetê warê perwerdeyê, weşî û ekonomîyî de gamê muhîm amey eştiş. Yew het ra şer est o, yew het ra zî şar hem têkoşîna xo dano hem zî cuyayişeke alternatîf înşa kena. Ez zaf pergala Rojawanî meraq kena, no ser zî ez zaf wazena şîra Rojawanî û rî bi rî înşakerdişê pergalê bivîna.”
Pirtûkanê Ocalan
Harvey îzeh kerd ke çi heyfo ke kapîtalîzm merdim êsîr gêno, tena rixnekerdişê kapîtalîzmî de nêbeno, no ser zî ganîyo ke verba na pergala wehşîyê de alternatîf yew cuyayişê înşakerdiş şert o, şoriş zî encax bi no rayîrê beno û o di zaf hûmarîy de meqaleyê Ocalanî wendo la o nêeşkîyayo pirtûkananê Ocalanî biwano, çimkî pirtûkanê Ocalanî îngîlîzkî ra nêameyê tadayiş eke pirtakanê Ocalanî îngîlîzkî ra bêrê tadayiş no demî di zaf hûmarîy de dorûverî ra biresê pirtûkananê Ocalanî.
ALÎ GULER/ANF/HAMBURG