Dewa Çepnîdere ya Manîsa de wexto ke werdê aşûreyê ameyêne vila kerdene, Pîr Bektaş Pîrogluyî krîzê qelbî derbaz kerdbi û netîceyê krîzî de wefat kerdbi. Partîya Şaran ya Demokratîke (HDP) zî derheqê wefatê Pîrogluyî de mesajê serweşîye pare kerd.
HDPyî mesajê xo de seba Pîrogluyî serweşîye waşta û wina vato: “Rayberanê bawerîya elewîyan ra endamê Ocaxê Musa-i Kazimî ra pîr Bektaş Pîroglu wefat kerdo. Wa dewrê ci temam bo û sereyê elewîyan weş bo.”
Pîrogluyo 79 serreyî, 2 rojî verê wextê vilakerdişê aşûreyî de krîzê qelbî derbaz kerdo. Pîroglu wexto ke qisey kerdêne krîz derbaz kerdo. Pîroglu neqlê nêweşxaneyî amebi kerdene, labelê nêame xelisnayene û wefat kerd.
PÎRHA / STENBOL