Sendîkaya Kedkaranê Xizmetê Sosyal û Weşîye (SES) derheqê Peymana Karî ya Komkî (TÎS) de kombîyayîşêkê çapemenîye viraşte. Kombîyyîş de babete ser o Serekê Pêroyî yê SESî Îbrahîm Karayî qisey kerd.
Karayî va ‘SES awanbîyayîşê xo ra nata, heqê sendîka yê bi peymana komkî û bigrev paweno’ û wina dewam kerd: “Tirkîya de prosesê peymanê komkî, heqê grevî û peymanê komkî yê raştikênan mîyanê xo de nêhewêneno. Seba ke merdim bişînbo qala peymana komkî ya raştikêne bikero, ganî sendîkayê ke hetgirê TÎSî yî, îqtîdar û sermaye ra cîya bibî.”
Ganî wedarîye
Karayî dewamê qiseykerdişê xo de va ‘sere de qanûnê hûmara 4688î û heme astengîyî wedaryî’ û wina dewam kerd: “Ganî mevzuat goreyê peymane û heqê sendîkalî yê mîyanneteweyî newe ra bêro organîzekerdiş. Reyna ganî hetgir û têkilîya sendîka û îqtîdarî bêro wedarnayîş. No het de xebatkarê cinî se ra 60ê heme xebatkaran î. Labelê keda cinîyan çinî yena hesibnayîş.” Talebê ke Karayî rêz kerdî de xeylê çîyî estbîy; Taleban mîyan de peymana komkî û heqê girevî, kesê ke erzîyayî tepîya girewtişê înan, qedîyayîşê zext û tedayî, maaşo ke cuya îdare bikero, abîyayîşê kreşî û sewbîna xeylê çîyê bînî estbîy.”
DÎHABER/ANQARA