Artêşa Tirk û çeteyê ci 9ê Teşrîna verêne ra nata bi tanq, top, teyara û sîlehanê giranan hêrişê Vakur û Rojhelatê Sûrîye keno. Herçiqas ke herême de hesaban ra adirbirnayîş ameyo îlankerdene, hêrişê dagîrkerîye dewam kenî.
Çarçewaya hêrişan de heta nika bi seyan kesî ameyî qetilkerdene û hendêna zî birîndar bîyî. Vera sivîlan de sîlehê kîmyewîyî ameyî bikarardene. Vera hêrişan de sere de Kurdîstan, Ewropa û xeylê cayanê bînan de çalakîyê protestoyî dewam kenî.
Welatanê Swîsre, Almanya, Swêd, Belçîka, Îtalya, Avusturya, Fransa û sewbîna xeylê cayan de çalakîyê protestoyî ameyî viraştene. Bi hezaran kesî vejîyayî raşteyan, hêrişê dagîrkerî yê dewleta Tirk û çeteyanê ci ameyî protestokerdene. Çalakgêran bi çalakîyanê cîya-cîyayan hêrsê xo nîşan da û waşt ke wa hêzê mîyanneteweyî vera qirkerdişan de bêveng nêmanî. Çalakîyan de beyraqe û posterî ameyî akerdene û potikê gonîyinî ameyî kiriştene. Çalakgêran siloganê ke hêrişê dewleta Tirkî şermizar kenî, eştî û waşt ke vera hêrişan de wa heme Kurdî biwerzî payan ser.
BRUKSEL