Desteya Rayberî ya Şengalî derheqê verdewamkerdişê tedbîrê vera Vîrûsê Koronayî de û pê ardişê qeraran aşkerayêk weşînaye. Aşkera de ame vatiş ke yeno zanayiş ke Dinya seba verîgirewtişê Vîrûsê Koronayî bêçare menda, seba no nêweşî ke cuya merdimîye visto bînê tersîyî de çareyêk nêame dîyîş, no ser zî rojane hûmara merdime cuya xo danê zafêr bena. Aşkera wina ya: “Em sey komelê êzidî Şengal de seba ke ma xo no nêweşî ra bipawê, ma tedbîrê xo girewtê ke derbasî Şengalî nêbo. Ma weş zanenî ti rayî ma nêeşkenî ewlekarî û weşîya xo omidê Hukimata Kurdistanê Başûrî biveradê. No ser zî bi rayberîya Rayberîya Xoser, Komîteya Rîbîrîbîyayişê Koronayî ame awankerdiş. No nêweşî derbasî mintiqa nêbo, komîte zaf qerarê muhîm girewt û no qerar ewro zî seba ma derbasdarî. Na komîte rewşe şopnena û goreyê ci zî qerar dana. Şarê ma weş bizano ke ti rayî kesêkê xo vera înan de berpirsîyar nêdîyo û do ewro ra peynî zî nêbivîno. Avzel o ma hetanî peynî xo bipawê û weşîya xo ra wayîr bivejê. Homa nêko no nêweşî derbasî Şengalî bibo, do verê ci girewtiş zaf zehmet bibo, ganî hetanî serê aşme zî tedbîrê xo sist mekerê. Wa welatijî zaf yewbînan de kom nêbî û nêşîrî cayê qelebalixî. ŞENGAL