Ata dergeyîya qalîkerdişê xo de ciresna ke êy çîyo ke walîyê Agirîyî sey îzehet dayo bi awayo ecêbmende temaşe kerdî û wina vat: “Îzehetêy ke ameyî dayîş yew a bîn veng veceno. Şero ke Kurdistanî de yeno qewimyayîş rayna bêhuqiqîyan mîyanê xo de hewêneno. Tewr zaf zî burokratêy dewletî xo pey tirso bêcezatî de niminenî û bi taybetî cenîyan mîyanê nêy şerî de sey silgirî vînenî û no zî hîsêy komelî ya manewî dekeno tevgerî.”
Lazim o şerm bikî
Ata derheqê encamê weçînayîşan de zî ard ziwan ke weçînayîşê 7’ê hezîranî de HDP Agirî de sey 4-0 yew encam girewt û wina domna: “Şarê Agirîyî bi encamê weçînayîşî peyama çarekerdişê demokratîkî zî da. Ger ke walî encamêy weçînayîşî ra biewnîyaynê do tikî şerm bikêrdênê. Çi heyf ke ma yewna ray dîy ke mîyanê şaşîtîyek gird de yî.”
Ma nêşinasnenî
Ata bal ant ser îzehetê ke amey kerdiş û wina vat: “Ajansê Xeberî yew îzehet day, dima zî walî îzehet da. Siba beno ke serekwezîr û serekkomar zî îzehet bidîy. Ma no îradeyî red kenîy. Yeno zanayîş ke verê wexto ke Ajansê Anadoluyî xeber viraştênê ameynê fikiryayîş ke do planêy îqtîdarî çîyo la eyro wexto ke ajans îzehet dano fikrek do gelo sereyê kamder qetlîamê îqtîdarî bêro girewtiş virazyeno.”
Şer qilêrin o
Ata peynîya qalîkerdişê xo de ard ziwan ke qalêy ke walî ardîy ziwan bi temamî zurî û wina domna: “Qalêy ke amey ziwan heme verdewamîya polîtîkaya şerê qilêrin o. Armancek ya înan zî esto û aye ke ma rê keweno ma hemverê nînan rayvistişê xo xurt bikerî û bi rayvistişkerdişê aştîyî bişînbî bidî vindarnayîş.”
DÎHA / AMED