Walîyê Colemêrgî çi mesaj şerawit?

Nuşteyê xo yê bi sernameyê ‘Têkilîya HDP û PKKe boyê pîs’ nuştoxê Rojnameya Yenî Şafakî Hasan Ozturk vat bi ke guya HDP û PKKe newe yew manevra reyde wazenî ravêreyeya çareserî bi heto hîrêyin bidî destpêkerdiş. Goreyê ey guya Tevgerê Azadî yê Kurdistanî têk şîyo û no ser zî hêzê mîyanêneteweyî ra hetkarî wazeno. 

Nê vengûvajê çarçiweya konseptê şerî yê AKPe yenî kerdiş. Nê kesî zey tetîkkeşê Erdoganî têgêrîyenî, no ser zî ganî ma îdiayê nê kesan  hokeya çewtî ra biwanî. No ser zî ez êdî bîlançoya ke Erdogan aşkera kena, netîceyê şerê şaristanî û nêzdîbîyayîşê komelî de dijî şerî û dîmenî ke vejîyenî hokeya çepî ra wanena û goreyê ey newe ra ez şîrove kena.

Îdiayê min raşt kerd

Çend rojê verî zey îdiayê Hasan Ozturkî cayî yew averşîyayîşêk ameybî cuyayîş. Hîna Gever de pêkewtişêk nêameybî cuyayîş, komikêkî xo zey ‘Însîyatîfê Colemêrgî’ name kena seba vindertişê operasyonan Walîyê Colemêrgî reyde têkîliyêk saz kerdbî la walîyo qehraman o bi fekî na komike muxatab nêgirewbî û vat bi ke ‘Eke teslîm bibî do ma operasyonanan bidî vindarnayîş’ la zanayîşêk ez girewta wina nîyo. E, raşt a komikêkî Colemêrg de xebat kena esta û waştî seba aştî xebat bikerî. Mîyanê ci de kesê ke Colemêrg de namdar î, sîyasetmedar î û serekê sendîkayan î estî la pêvînayîşêkî înan kerdî zey zanayîşî çapemenîya AKPe nîyo.

AKP înan xapîna

Bi xo Walîyê Colemêrgî bi garantorîya Wezîrê Karanê Zere na komikî ra çikêk wazeno û yeno rîcakerdiş ke PKKe reyde pêvînayîş ê wazenî bikerî û no mesajî înan zî koyî ra bêro resnayîş. Walîyê Colemêrgî komikî ra wazeno ê şîrê Qandîlî û PKKe ra rîca bikerî ravêreyeye tikey hîna nerm bikera. Na komik zî seba no waştiş dest pê xebatan kena labelê na komik demo ke Qandîlî ra agêreno Colemêrg de vînena ke Walîyê Colemêrgî yanî AKP înan xapînayo û çapemenîya AKPe zî bi lezî manşetî, na komik Walîyê Colemêrgî ra seba vindernayîşê pêkewtişî pêvînayîşêk waşto labelê Walîyê Colemêrgî guya zey merdimo dewlet nêzdîbîyayîşêk nîşan dayo. 

Na polîtîkaya lêmin ser zî Erdoganî ra girêda kesan Kurdistan de xebat kenî. Wezîfeyê ke Erdogan û AKPe dayî nê kesan di hetî yo. Ona ameyo tezgahkerdiş ke di hetî ra zî AKP qezenc keno. AKP namdarê heremî ra vana ke ‘Eke şima wazenî PKKe reyde qise bikerî û ravêreyeye tikey nerm bikerî. Eke ravêreyeye do nerm biba no demî ravêreyeya çareserî do dest pê bikera. Şima vînenî ma çareserî ra akerdeyî la PKKe goş nêdana.’ AKP bi nê vatişê xo wazena, şar û PKKe yewbînan ra bida pêkewtiş. 

Erdogan bi xo xebat keno

Têtîkkeşê AKPe çarçiweya konseptê şerî, Kurdistan de binê banê komele, weqîf û rayvistişê cemaetî de xo rayvist kenî. 

Erdogan bi xo nê kesan ra seba hetkarî soz dayo. Erdogan nê tetîkkeşan ra wazeno ke nê kesî, kurdê ke hêrişê çeteyê AKP û Erdoganî ser koç kerdî înan ser taybet xebat bikerî. Zey ke têkilîya nê kesan AKPe reyde çin o, hîsê şarî yê dînî şuxilnenî. 

Nê kesan verba PKKe de propogande ser taybet xebat kenî. Erdogan Qesra xo ya Qeçex de xebatê cidî keno. Her tim bi kurmayê xo netîceyê şerî ra girewtişî rê pêvînayîş keno û newe newe plan û tezgehan organîze keno.  Fermanê xo MÎT û walîyîyeyan ra eşreweno. Yanî çi yeno se vatiş ganî ma çepî ci bifikrî û goreyê min zî no rayîr zî do ma bero raştî.