3 HEZAR BAN RIJYA
Rijyayişê 3 hezar banê ser di navend û qezayê Wanî 644 kesê cuyayişê xo vînî kerd û 4 hezar kesî zî birîndar bîyê û nê birîndaran, ardlerzî ra bi hetkarîya kom û merdimê xelas bîy. Peynîya ardlerzî çi heyfo ke AKP kewt peynîya qezencê sîyasîyê. Di zaf hûmarîy de welat seba hetkarîdayişê teklîfê kerd zî AKP nê teklîfan qebul nêkerd.
Di no demî de serekwezîr Erdogan vat bike: “Ma bi no ardlerzî wazenê, hêzê xo biveynê.” Bi no aşkerayê dîyar bike armancê AKP şarê Wanî ra hetkarî nêbi, tena qezencê sîyasî bi. Seba ke teklîfê hetkarî nêame qebul kerdiş, no ser di zaf hûmarîy de kesî cuyayişê xo vinîkerd û hûmarî birîndaran zî zêde bi.
Seba ke hukûmata AKP heremê ra hetkarî nêda, no ser bi hezar merdimê banê xo bi xisarî de mend, hewna bi hezaran merdimê di zimistanî, konanê hemnanî de mend. Hewayê zimistanî ser wanijan taybetê pirsgirêkê germî ont û no ser zî wanijan nêweşîya KOAH ra tepişyay. Veşayişê konanê ser zî 10 kesî cuyayişê xo vinî kerdbî.
SEFERBERÎYA WELATIJAN
Dewlet sifteyin hewte hêzê mojna la dîy ke qiym nêkeno, welatijan mehkûmê konanê hamnanê kerd. Peynîya ardlerzê yewin no dem Walîyê Wanî Munîr Karaloglu aşkera da û vat ke: “Wa wanijan banê xo ra biagêrê.” No aşkerayê ser wanijan banê xo bi xisarî agêray la belê ardlerzê diyin de no ser zaf kesî cuyayişê xo day. Di pêroyina Kurdistan de welatijan seba maxdûrê ardlerzê Wanî ser destpê kampanya kerd.
Bi hezaran zerrîdarî seba hetkarîyê şîyê Wanî, hewna pêroyina Tirkîyayê seba Wanî hesabê bexşê amey akerdiş la belê hetanê nika hema zî nîno zanayiş ke nê pereyeke amey komkerdiş, ko ca amey xerckerdiş. Di no demî serekwezîr Erdogan seba rantî, destûr nêda ke Wan bibo heremê afetî. Çimkî Erdogan waştê di Wanî de rol û mîsyonê TOKÎ berz bibo ke AKPijan ra rant bêro dayiş.
SELMAN ÇÎÇEK - ÎDRÎS YILMAZ / DÎHA/WAN
Sembolê erdlerzî yê Yunus
Heremê afet nêbîyîşê ser TOKÎ di mîyanê yew serrê de ban û awanîyan înşa kerd la belê heme nê ban û awanîyan zî bê kontrolî ame viraştiş. Zatî şarê Wanî di ardlerzî de maxdûr bibê, hewna wanijan rîyê ban û awanîyê TOKÎ ser maxdûr bîyê. Di Erdîş de 25 teşrîne 2013’ê 5 aşman doman Tuana Gungor binê dolabê mutfaxê mend û no qewimyayiş daxî nê saxlambîyîşê ban û awanîyê TOKÎ rojdemê Tirkîyayê ard.
Di dema ardlerzî seba koordînasyonê yew kom, ameybi ronayiş la belê na kome ra zî no demê serekê Şaradarîya Gird a Wanî Bekîr Kaya nêameybi girewtiş.
13 serra Yunus zî ardlerzî ra di kafeyê înternetî de tepişyaybi, Yunus bi mucîzeyî, erdlerzî ra xelisyaybi, hetta Yunus dema ke xelisya sifteyin saetê persaybi la belê Yunus nêzanaynê ke esil derbî merdişê, zereyê xo ra werda. Yunus di rayîrê nêweşxaneyî de cuyayişê xo vinîkerdbi û malbatê xo ra tena Yunus cuyayişê xo daybi û merdişê Yunusê ser zî mucîze nêmcetî de mendbi.
WAN