GULÎSTAN AZAK / JINNEWS/ÇEWLÎG
Taxa Yenî ke girêdayeyê Çewlîgî ya de warê daristanî bê ke xebere bêro dayîş yeno taxrîbkerdiş. Şarê taxe darê ke yenî birnayîş ver Walîyê Çewlîgî berpirsîyar vînenî. Karkerê ke seba birnayîşê daran şonî, vanî ‘Walî destûr dano ma’ û taxijî na rewşe ver bireaksîyon î.
Taxijan ra Zeynep Sonmeze dîyar kerde ke ê prosesêko giran ra derbaz benî û wina dewam kerde: “Wazenî Çewlîgî bênefes biverdî. Hende darî yenî birnayîş û mumkin nîyo ke xebera Walîyî çinêbo. Persê ‘gelo Walî birnayîşê daran rayapêroyî ra nimineno?’ yeno vîrê merdimî. Eke nêniminenî, çira birnayîşê daran asteng nêkenî? Na herême de pêrodayîşî zaf qewimîyenî.”