EHMED EL-GEMIYAN REQA/ANHA Cîgira hevserokatiya Meclisa Rêveber a Rêveberiya Xweser a Bakur û Rojhilatê Sûriyê Elizabeth Gewriyê di hevpeyvîneke taybet bi ANHA`yê re, biryara Neteweyên Yekbûyî (NY) a dawî ya girêdayî vekirina dergeha Bab El-Hewa ya sînorî bi Tirkiyê re wekî tekane dergeh ji bo derbaskirina alîkariyên mirovî ji gelê Sûriyê re, nirxand‫.‬ Elizabeth Gewriyê got: ”Biryara vekirina dergeha Bab El-Hewa yê sînorî bi Tirkiyê re polîtîk e û dê azarên gelên Sûriyê du qatî bike. Her wiha gelek pirsan derdixe holê û bandorên wê yên xeternak li ser tevahî gelê Sûriyê hene. Ji ber ku dergeh di bin serweriya dewleta Tirk a dagirker û komên terorîst de ye, lewma dê bandoreke mezin li giştî gelê Sûriyê bike‫.”‬ Elizabeth Gewriyê di axaftina xwe de îşaret pê kir ku Erdogan bi şerê yekser li dijî gelên Sûriyê têr nebûye, lê belê bi rêya qutkirina avê, şewitandina mewsimê û bi gelek rêbazên din siyaseta birçîkirina gelên Sûriyê dimeşîne. Elizabet her wiha got: ”Niha, vekirina vê dergehê û radestkirina rêvebirina wê ji partiya AKP`ê û komên çete re ku zirarê digihînin gelên Bakur û Rojhilatê Sûriyê, gumanan li ser sûdgirtina gelê Sûriyê ji van alîkariyan derdixe‫.”‬