No weçînayîşê 7’ê hezîranî hem zaf muhîm o û hem zî dîrokî yo. Muhîmeya nê weçînayîşî ra zaf babeta ci yê muhîmî estîy. Babeta en muhîm zî bi raya verênîya ke heme rengî û miletî temsîleteya xo HDP de vînenê. Partîya Demokratîk a Şaran no weçînayîşî de rolê dîrokî kay kena. No weçînayîşê 7’ê hezîranî bi rewşa normalî ra yew weçînayîş nîyo. 


Hemverê AKP de muhalefeteko gird esto

Weçînayîşê 7’ê hezîranî yewbîyîşê demokratîkê şaran a. Dîrokê şorişê çepê tirkan de bi raya ewila ke hemverê faşîzim ra heme rengî yewbîyişê xo saz kenê û virazenê. No weçînayîşî de muhîmeya dîyine zî hemverê vergirotişê saltaneteya Erdoganî û AKP ra yew biloka demokrasi û azadî ya. Heyanê ewro hemverê pergala AKP ra yew muhalefet çinê bi û nê sebeb ra zî hukûmatê AKPî 13 serrîyê ke bena îqtîdar. Enka zî AKP wazena ke hînê padîşayeya xo rono. Labelê ena ray hemverê AKP ra yew muhalefeto gird û hêza gird esta. 

No hêze zî hêza demokratîka şaran a. Heme bindestîy xeyalê xo, hêvîya xo, temsîlîyetê xo HDP de veynenê. No hewa yew rewşî zî seba azadîya û demokrasîya şaran ra yew gama muhîmî û gama dîrokî ya.


Bindestan qet çîyeke nêhesibnay

 Seba weçînayîşê pêroyine 7’ê hezîranî ra heme kesan eşkera kerdişê namzedan pawitê û dîyar bîy. No weçînayîşî de heme namzedî hem surprîzî û hem zî renginî bi. Eynî wextî de zî cayê heremê nê namzedan zî surprîz bi. No weçînayîşî de seba ke HDP sewbîna mileta bindestan ra û seba ke heyana ewro pergalî nê mileta bindestan qet yew çî nêhesibnay û nêy heme miletan ra namzetî day ca da bi. 

No hewa rewşe zî yew gama muhîmî ya. Eynî wextî de zî HDP nê weçînayîşî de seba kotaya cenîyan ra yew nimune ya muhîmî nawite. Seba ke HDP no weçînayîşî de sewbîna mileta bindestan ra namzetî day zaf baş bi. Na ray zî AKP û CHP zî sakî eyb nêbo yew di namzedê romanî, elewî û ermenî nawitîy. No hewa rewşe zî bi hesaban ra hemverê HDP ra edet cayê xo veyno. Nazî hinde heyana ewro yewî meraqê romana û ermenîyan nêkerdê.

Esil mesela û babeta ma nê weçînayîşî de kesêy ke seba namzetî ra sere dayê piro û namzedeya înan qebûl nêbîya yo. No warî de ganî pisgêrêkîy gere nêvejîyê û hektê sewbîna namzedan de niqaş nêvirazêy. No saetî ra pey eke kam hektê nêy namzedan de niqaş bikerêy se eynî wextî de zî nanê AKP ra riwen sawenê û no rewşe de zî sewbîna îzahê ci zî çino. 


Hem zaf muhîm o hem zî zaf bi dîrokî yo

Gumano ke seba weçînayişê namzedan de û cayê nawistişê hereman de şaşey û xeteyî belkî bîyê, lakîn ganî hînê nê saetî ra pey qet niqaşîy gere nêbêy. Weçînayîşê 7’ê hezîranî hem zaf muhîm o hemzî dîrokî yo. No weçînayîşê dîrokî de ganî hemverê heme qirêjîya AKP ra heme kes yew wucit , yew veng, yew hêz bo. 

Encax no hewa yew rewşe ra hemverê heme qirêjîya AKP ra vergirotiş û serkewtiş beno. No weçînayişî de awantajê HDP zaf îy. Bi heteke bîn ra nêy awantajîy hemverê pergala qirêjî ra yewbîyişê demokrasîya şaran a. Heyana ewro en awantajê gird Xoverodayîşê Gezî ra tepêşê Şorişîya Kobanî û Şengalî xoser yew camêrdî ya destanî ya. 

Hemverê xoverodayîşê çeteyanê DAIŞ ra no camêrdî ya xoverodayenê destanê Kobanî û Şengalî heme Dinyayî qabûl kerdo. Xoverodayîşê serhildanê çalakîya 8’ê citmengî ancî xoser yew şorişîya gird a.   Nêy awantajan ra en muhîm   zî ravêreyîya çareserî ya. 


Sorişa Kobanî û Şengalî

Peyama Newrozî ya û peyama eşkeradayişê Dolmabahçe ya. Hînê ewro ra pey ravêreyî ya çareserî bibo nêbo se zî ganî şar xoserîya demokrasîya xo saz bikero. No warî de zî heyana ewro zî hende pawitiş zî yew şaşeya gird a. No warî de ma nêeşkenê ke rewşa xapênayîşê AKP bipawê. Sorişa Kobanî û Şengalî nînikê heme şaran a ganî hînê ma zî nê nîkî mîyanî de xo weş biveynê.

Enka zî heme rewşa ravêreyî û rêxistinîya xebate weçînayîşê 7’ê hezîranî ra kilît bîya. Ganî heme kes zî seba akerdişê nê kilîtê azadî ra bi zerrîya û ganî ra hedreyî bo seferberî bo. Encax, no hewa yew rewşa rêxistinî ra heme komployanê kayê qirêjanê AKP veng bivejê. Peynîya saltanatîya Tayyîp Erdoganî û AKP ameya. No sebeb ra beno ke şurûkaya Erdoganî heme qirêjîya girde bivejo. Tewr muhîmîya rêxistinî vergirotişê nê kayê qirijî ya. 


Bi xebata klasîkî êdî nêbena

BAWERÎYA ma heyana ewro senîhewa şarî nêy kayên qirêjî veng vetîy û ewro zî bi rewşa asanî ra nêy heme kayê qirêjan veng vejenê û warê demokrasî azadî de serkewtiş bena. Tewr muhîmî zî xebata rêxistina no weçînayîşî yo. Hema hema heme wçînayîşan de xebata klasîkî bena. Ganî HDP nê weçînayîşê 7’ê hezîranî de xebatê rêxistinîya xo newe bikero hînê xebata klasîkî ra fek verado. Seba ko heyana ewro kurdê ke raya xo dane AKP bi verênî ra ganî HDP nê kurdan îkna bikero. En muhumîya rewşa xebate zî anaya. Eke nê hewa yew xebata rêxistinî bivirazî yo se , AKP kurdistanî de qet nêeşkena ke hewayê verî wekîlanê xo bivejo.


ZAZA CEBELÎ