7ê Hezîrane de Almanya, Fransa û Avusturya de raydayîş dest pêkerdbi û 9ê Hezîrane de zî Danîmarka, Amerîka, Avustralya û Luksemburg de zî sindoqî ronîyayî û raydayîş dest pêkerd. No weçînayîş de roja sifteyîne goreyê weçînayîşanê bînan hîna zaf eleqe raydayîşî rê esto. Roja sifteyîne û dîyine de Almanya, Fransa û Avusturya de pêro pîya 72 hezar 111 kesî rayî dayî. Tena roja sifteyîne 32 hezar 224 kesî, roja dîyine 39 hezar 887 kesî şîyî sindoqan ser û ray dayî. Welatê Almanya ke 1 mîlyon 4 hezar weçînitoxê ci estî de roja sifteyîne 22 hezar 281 kesî, roja dîyine 27 hezar 933 kesî ray dayî. Fransaya ke 330 weçînitoxê ci estî de roja sifteyîne 5 hezar 106 kesî, roja dîyine 6 hezar 406 kesî beşdarê raydayîşî bîyî. Avusturyaya ke 110 hezar weçînitoxî tede estî de roja sifteyîne 1841 kesî, roja dîyine 2213 kesî ray dayî. Cayê gumrukan de roja sifteyîne 13 hezar 966 kesî ray dayî. Seke yeno zanayîş referandumê 16ê Nîsane de na hûmare 2 rojê sifteyînan de resaybî 6330. ANF/BRUKSEL