Şûbeya Anqara ya Komeleya Heqê Merdiman (ÎHD) derheqê neheqîyê ke zîndananê Anatolîyaya Mîyanêne de yenî cuyayîş de raporê 9 aşman amade kerde.
Rapor hetê Îdarekara ÎHDyî ya Şûbeya Anqara Nuray Çevîrmene ra ameye wendiş. Çevîrmene qiseykerdişê xo de dîyar kerd ke zîndanê ke pêro pîya eşkenî 207 hezar 339 kesan bigîrî de nika 229 hezar 790 kesî manenî. No reqam zî nîşan dano ke welat açarîyayo zîndano akerde.
Raporo ke hetê Çevîrmene ra ame wendiş de sehnayîşê rutî ra bigîre heta muayeneyo kelepçeyin, nêdîyayîşê kitab û kovaran, ferzkerdişê cilê tek tîpî, nêdîyayîşê mektube û posteyan, seba çareserîya probleman dîyalogî nînî kerdiş. Heto bîn ra rapor de qala hepsîyanê nêweşan ameyo kerdiş û werdê înan yê taybetinî nêdîyênî hepsîyanê nêweşan. Tayê zîndanan de hewl dîyeno hepsîyê sîyasî û hepsîyê FETOyî bîyarî têhet.
Rapor de qala hepsîyê ke surgunê sewbîna zîndanan benî, raştê hêrişan yenî ameyo kerdiş. Reyna rapor de qala xeylê problemê zîndanî ameyî kerdiş û seba çareserîya probleman veng yeno dayîş.
MA/ANQARA