Bakî Duzgunî da zanayiş ke kesê ke hewldayenekê winayîn kerdî, kuçeyan de lejker, polîs û şarî ardî pêver dê ver dadêzgerî de hesabê nayî bidê. Duzguhî aşkere kerd ke iyê dê taqîpkarê komê faşîst û paşverûyê ke na bîyayîş zey firset çî û vejyay meydanan bê.
Adresê raşt kuçeyê
Serokê Federasyonê Alewî Bektaşî Bakî Duzgunî va nexwe adresê raşt kuçeyê, Seray nîyê û hayr ant zihnîyetê derbekar ser: “Tarîxê welatî de xêlê derbe û hewldayenê derbe yê dûştê demokrasî estê. Derbe bi kamcî emelî û hetê kamî ra virazîyena wa virazîyo demokrasî cemidnena û kêberê rejîmê totalîter akena.”
Duzgunî vist vîrî ke sazgehê alewîyan dûştê her şiklê derbe yê û va ganî her wext de zihnîyetê derbe û derbe bîro mehkûmkerdiş.
Milê xo çewt nêkenime
Duzgunî hayr ant makeqanûna bingeyîn ya newî ser û wina va: “Hewcedarîyê bi makeqanûna bengeyîn ya demokratîk ke pir kamî, pir kulturî, pir bawerî û hemwelatijîya têdûşt esas gêna esto.”
Duzgunî aşkere kerd ke serva Tirkîyeya ke serdestîya hiqûqî esta dûştê têgihîna sivîl ya zî lejkerî ke cor ra yena ferzkerdiş de ê milê xo çewt nêkenê û wina va: “Bi bawerîyê şarê xo raya welatekê demokratîk de bi qerardarî dewam kenime. Zihnîyetê derbekar ke îradeyê şarî çinî hesibneno reyna lanet kena. No welatî teslîmê derbekaran zî, faşîstê sivîl yê paşverûyan zî nêkenime. Tam demokrasî wazenime.
ENQERA