Dewa Şinawe, binarê Qendîlî de ca gêna, bi bajaroka Şarewe ya qezaya Pişdereyî de. 10 serre rîyê bombevarankerdişê Dewleta Tirkan welatijan dewa xo ra koç kerdbî la şarê dewe nika agêrayê dewa xo ser û newe ra bananê xo awan kenê. Welatijê bi nameyê Mihemed Emin Hemesor yê dewa Şinawe de cuya keno dîyar kerd ke serrê derbasbîyî de pêroyina dewijê dewe mijulê wayîrvejyayişê heywanan bîyê, cuyeyêka weş û xuzir derbas kerdinê. Hemsero va ke serdemê rejîmê Baasî de dewê înan ameyê rijnayiş û wêrankerdiş la peynîya serehewanayişê Başûrî înan rayêko bîn dewa xo awankerdbî û la no ray bi destê dişmenêko bîn ê şarê kurd rayêk bôm dewa înan ameyo rijnayiş. Hukimata Başûrî ra hetkarî wazenê Welatij Elî Hemze zî aşkera kerd ke waştişê hetkarîya Hukimata Kurdistanê Başûrî kerd, wa hukimat hetkarî xizmetguzarîya dewa îna ra bika, ê dewa xo awan bikê û zîretinîya rasteyî newe ra bikê.  Welatij Resul Mihemed zî da zanayiş ke eke hukimat xizmetguzayê sereke dewa înan ra bika do pêroyina dewijê dewan rayêko bîn agêrê mal û zevîyê xo ser o. Goreyê bilançoya Wezaretê Pêşmergeyî mîyanê 4 serrê derbasbîyî de Dewleta Tirkan 394 rayan bi rayîrê teyarayan rasteyê Mintiqaya Kurdistanî bombevaran kerd û netîceyê ci de zafir 20 welatijê sivîlî cuya xo dayê. Serra 2015î ra hetanî 2018î Dewleta Tirkan 398 ray bi rayîrê teyara, 425 ray zî bi rayîrê obus û topan 288 dewê Kurdistanê Başûrî bombevaran kerda. QENDÎL