Artêşa tirk roja verî seatanê verşan de qezaya Dersim Xozad de dormeyê dewa Çiçexlî de destpa operasyonê lejkerî kerdî. Ser rayanê Birrê Zargovît de bi komî lejkerî amey bi ca kerden. Bi helîkopteran kî lejkerî ronîyay ser tepeyan. Rayîrê ke şinê Dola Mûnzûrî kî trafîkî rê amey giroten.
Lejkerê ke Dola Mûnzûrî de vejyay operasyonî gule vornay jû wesayîtî ser û welatijê bi nameyê Ersîn Demîr o ke 28 serre yo qetil kerd. Cenazeyê Demîrî wedarîya morgê nêweşxaneyê Dersim. Quwetanê dewlet bi wesayîtanê zirxî çormeyê morgî girotî. Cenazeya Demîrî seba otopsî rişîyena Sazgeha Tiba Edlî yê Meletî.
Lejkerî kirêştî Dola Pilêmûrîye
Heto bîn ra seba operasyonê lejkerî tayî noxteyanê Dola Pilêmûrîye rê lejkerî kirêşîyay. Goreyê zonayişan verîya 3 rojan lejkerî kirêşîyay çormeyê Koyê Jelê, Mosirvan û Roşnek. Çimeyanê heremî day zonayene ke lejkerî hêgayan de xo nimnenê û hadreyînê operasyonî kenê.
DÎHA / DERSIM