Sûkanê Tirkiye û Kurdistan de, vizêr 17 mîlyon wendekaran qarneyê nîmser girotî. La Amed û Wan de coşê da bîn estbî. Çike nê cayan de wendekaran mektebanê asîmîlasyon de bi Tirkî nê, mektebanê xo de ebi Kurdî perwerde girotî.
‘Dibistana Seretayî yê Ferzad Kemanger’ ke Amed de bi Kurdî perwerde dana, vizêr qarneyanê qeçekan da. Domanê ke qarneyê xo girotî vejyay tatîlî. Dibistana Alî Erel û Medenî Yildirim ke Kayapinar de perwerde dana zî vizêr bi jû merasîm, 130 wendekaran rê qarne da. Merasîm de qeçekan bi kurdî şiîrî wendî, deyrî vatî û qabîliyetê xo damusnay.
Wan de zî wendekaranê ‘Dibistana Fatma Tokat' qarneyanê nîmser bi jû merasîm girotî. Îdaroxanê Kurdî-Der, mualîm û wendekaran ra piya, malbatê wendekaran tewrê merasîm bî.
Wayrê Kurdî bivejime
Mualiman ra Cengîz Tîmûr’î merasîm de qisey kerd û hayr ant muhîmiya perwerdeyê bi ziwandê may ser. Tîmûr’î vist vîrî ke, mektebê Kurdî, bi dayişê bedelê giranî abiyay. Merasîm de vera polîtîkayanê asîmîlasyonî, vengê wayirvejyayişê Kurdî ame dayen.
DÎHA/AMED/WAN