Warê bav û kalenê ma. Paytextê Hurîyon û ye Mîtanîyon.
Hurîyon bi ziwanê kirdkî-zazakî- ucarê vatenê Weş Henê .
Ver cû  bav û kalenê şarê ma Kurd  Hurîyon ye Serê Kanî  Kirdkî qisekerdene  û Serê Kanî ra vatênê Weş Henê.
Nika  zî wey lo  û weylo!!
Hele bane Romê Wehş-Nika Îslamê Sexteyî AKP- ameyo kewto welatê ma. Welatê ma ya letê Vakur-Bakur- bes nîvîneno dest erzeno letê bîn zî.
AKP û Erdoxan, perê dano çeteyon.
Bes nîvîneno,  tifing dano çeteyon.
Bes nîvîneno, gule-fîşek-dano çeteyon. Bes nîvîneno, zad û qut dano çeteyon.
Bes nîvîneno, nişeneno maşîn-erebe- berê Serê Kanî ye Bakur rê vîyerneno, şiraveno Serê Kanî ye Başur.
Bes nîvîneno, vano şîyerenê şarê Kurd ra şer bikerenê.
Name înan zî nano pa, vano cîhadîyon-cîhadçî-.
Wey lo wey lo!!
Îslam menda Romê Wehş-Tirkên neasîl- ra.
Wey lo wey lo!!
Îslam menda ne çeteyon ra. Îslam menda çeteyên Tirkan ya El Kaîde re. Îslam menda qefle çete ya bi name Xerîben Şam û Cephetun Nusra ra.
Weylo wey lo!!
Hemverê YPG şer kenî, vanî ma Serê Kanî genî destê xo.
Wey lo we lo!!
La şima YPG nîşenasnenî. La şima YPG nîşinavita.
La ciwanên Kurd seyî welatê xo şima ra veredanî.
La şima vanî hina reheta.
Şima dî seyîna ey çeteyê AKP û Erdoxan.
Şima dî seyîna, çi yeno serê şima!!
Wey lo wey lo!!
Çend hew wey lo!!
Kîyan şalnenê. Talan kenî. Dizdî kenî. Zerdê keynanê u cinîyên Kurdan diznenî.
Cilanê cînîyon dîznenî. Însan sari birnenî!!
Îslam herimnanî. Îslam lîşin kenî.  Wa na wehşîyî şarê ma bivîno.
Na wehşîyî seyr nîbena.  Ver na wehşîyî zî be veng vinderdiş nîbena.
Gera şarê ma Bakur ver xo bido Serê Kanî.
La hina bena ey Şarê ma.
Qê wa na dom, zulmê AKP û Erdoxan û çeteyê inan ye bi name Xerîben Şam û Cehhetun Nusra hina bi mano.
Hina nîbena.
Hina nîbena.
Vijdan zî na çîye qebul nîkena, aqil zî na çîye qebul nîkeno, la seyî dest û linge ma qebul bikero.
La hemi zulm û qirkerdişê AKP bes nîyo.