Osman Yalavûz o ke Licê de hetê leşkeran amebi dirbetinkerdiş qora diyîn ame tepiştiş. Malbata Yalavûzî dîyar kerd ke ê weşîya Yalavûzî ra bi fikar ê.
Dewa Beşîştê yê Licê ya Amedî de 19’ê Hezîran de wexto ke Osman Yalavûz aw da baxçeyê xo, raştê hêrîşa bi guleyî yê leşkeran ame û giran bibi dirbetin.
Osman Yalavûz dermankerdişî ra dima vizêr hetê leşkeran bi behaneyê “Îmzeyê to esto” ame tepiştiş û berdîya Qereqolê Leşkerîyê Sûk ê Amedî. Yalavûz qereqol de ame tepiştiş û şewa verî seatanê berey de bi helîkoptêr berdîya Fermandrîyê Leşkerîya Licê.
Birayê Osman Yalavûzî, Bakî Yalavûzî va, “Rewşê birayê mi rind nîya û hona dermankerdişê ci nêqedîyayo. Nêşkeno bi hewayê tepişte bimano. Rîwalê fermanê dozgerî destûr nêdanê ma pêra pêdîyayîş virazê. Talokeyê ci yê heyatî rameno.”
AMED