Çalakîya nobed ke seba serbestîya Rayverê Şarê Kurd Abdullah Ocalanî, 25'ê Hezîrana 2012 de sûka Fransa Strasbûrg de destpa kerd, ramena. Hefteyê 260. de, hemserokanê componentê Kongreya Civaka Demokratîk ê Kurdistanijanê Ewropa (KCDK-E) nobed dewr girot. Hemserokan aşkere kerdî ke, heta serbestîya Ocalanî do têkoşîna înan dewam bikero. Heto bîn ra NAV-DEM, serragêra çalakîya nobed de kewna hereket.
NAV-DEM ke derheqê çalakîyanê Almanya û Strasbourg de bi sernuşteyê “Ma wayîrê îradeyê xo bivejyê; tecrîdî bişikînê” îzahatekê nuştekî da û hayr ant tecrîdê 18 serran yê vera Ocalanî ser. Îzahatî de vajîya ke rixmê îzolasyonê giran û îxlalkerdişê heqanê esasî, Ocalan seba çarekerdişê meseleya Kurd hewldayenê girdî dano û wida dewam kerd: “Prosesê muzakere ke Ocalanî 2013 de yew hetî da destpêkerdiş, hetê hikûmeta AKP ame sabotekerdiş.”
‘Modelê Ocalanî qebul dî’
NAV-DEMî hayr ant modelê ke Ocalanî seba çarekerdişê meseleyan pêşnîyaz kerd ser û wina va: “Rayverê Şarê Kurd Abdullah Ocalanî vera krîz û kaosê Tirkîye û Rojhelatê Mîyanên modelê çareserî pêşnîyaz kerd. Seba Rojawa û Vakûrê Sûrîye modelê Konfederalîzmê Demokratîk û seba Tirkîye zî modelê Tirkîyeya Demokratîk ke pêrokîn kamî, bawerî û şarî xo mîyan de bieşkê îfade bikerê, pêşnîyaz kerd.“
NAV-DEMî vist vîrî ke bi weçîntayîşanê 7ê Hezîran 2015î ra pîya, no modele hetê pêrokîn çormeyanê demokranatîkî ra ame qebul kerden û wina va: “Bi faşîzmê Hîtlerî sûkî amey rijnayiş, sivîlî ganî bi ganî amey veşnayîş. Prosesê nikayî de Tirkîye normanê demokratîkî ra peyser ageyra û açarnîya girotxaneyê akerde. Rayverê Şarê Kurd ame îzolekerdiş, şarê Kurdistan û Tirkîyeyî zî hêsîr amey girewten. Çapemenî û medya amê bêvengkerdiş, edalet û huqûq girotîya bin lingan, heqê mordeman zî werte de mend.”
Ewrûpa rê nêrazîbîyayîş
îzahatî de ame vaten ke Ewrûpa babedê Tirkîye de ‘hîrê meymûnan’ kay kena û vera polîtîkaya dişmenîya Kurdan yê Almanya û bêvengîya Ewrûpa rê nêrazîbîyayîş ame damûsnayen.
NAV-DEMî hayr ant bêvengîya CPT zî ser û aşkere kerd ke helwestê CPT zirar dano îmajê ci û va: “Zey welatanê Ewrûpa û YA xoser hereket nêkerdişê CPT, uxrê menfîetanê sîyasî vera binlingkerdişê heqanê mordeman de bêveng mendişê ci, do zey lekeyê sîya bikewo tarîxê mordemîye. NAV-DEMî veng da CPT û sazgehanê heqanê mordeman ke desinde bêvengîyê xo xirab bikerê û rolê xo kay bikerê.
Tewrê mitîngî bibê
NAV-DEM, bi nê vatenan vengê tewrbîyayîşê çalakîyanê ke 24ê Hezîran ra tepya yenê viraştiş kerd: “Ma veng danê pêrokîn kesê ke hetkarê demokrasîyê, veng danê şaran, cinîyan û gencan ke seba şikitişê tecrîd û îzolasyono ke vera Ocalanî yeno ramiten, seba ronayîşê haştî û demokrasî veng bidê vengê demokrasî û haştî. Ma her kesî 5. serragêra çalakîya nobetî de dawetê mitîngo ke 24ê Hezîran (ewro) de Strasbûrg de ver Konseyê Ewrûpa de yeno viraştiş kenê.”
DUSSELDORF