Çalakîya Nobeta Ocalan rê Azadîye ke 25ê Hezîrana 2012î ra nata bajarê Strasbourgî de vernîya Konseyê Ewropa de dewam kena, her hewte grûbêka cîyaye ra yena dewrgirewtene. Çalakîya nobete 7 serrî û nîme yo ke bi beşdarbîyayîşanê neweyan domîyena û çalakîya tewr derge ya Kurdan a.
Çalakîya Nobete hewteyo bîn hetê xebatkaranê hetkdarîya merdimî yê Kurdan ra ameybî rayraberdene. No hewte çalakîye hetê grûba ke Berlînî ra ameya ra dewr girîyaye. Grûbe mîyan de çalakgêrê sey Mervan Aykal, Hasan Çatal û Davût Baş ca gênî. Çalakgêrê ke roja Yewşeme ra nata çalakîye de yî, tewirê CPTyî rexne kerd û waşt ke ganî dezgehê mîyanneteweyî vera tecrîd û zulmî de bêveng nêmanî.
Çalakgêran dîyar kerd ke çîyê ke Ocalan û Kurdan rê benî zulm o û wina dewam kerd: “Ma edaletêko raştikên wazenî. Dezgehê ke eşkenî heme babetan de çareserîyan bivînî, wexto ke babete bena Kurd û Ocalan bêveng manenî. Kurdî do vera hêrişanê dagîrkerîye de xover bidî. Ganî ti kes vera hêrişan de bêveng nêmanî.”
STRASBOURG