Wey mala minê Çewlîg!

Kale mi  zî wexte kî çîye kî tewş bibine, caye wey mala mine de vatene “Ha Hî Ha Hî”
Kale mi, bi qisekerdişe “Ha Hî Ha Hî” yarîye xo  zî  însanê ehmeq ra kerdene.
Mi  kale xo ra zaf heskerdenê.
Kale mi zaf  welatparez bi, Atatirk û dişmen re nefret kerdenê.
Her wextî dişmen û Atatirk ra zot  û lanêt kerdenê. Herse îyê hemverê dişmenê zaf zedê bi.
Dişmenî ra leşkerî nî kerdibi.
Wextê kî babe min înan  ez şiravitenê mektebê verinî, kale mi heredîya.
Sey qijan-tutan- berma.
Babe û ape min ra hêrs bi û hina qise kerd.
“La şima laje mi şiravenê mektebê “Atakutik” e bibo Tirk.
Esle xo vîn  bikero.
E  bibo ...başi.
Laje mi, me şiravê mektebe Tirkan.
Wa esle xo vîn nîkero.
Hetanê mektebe Kirdan anîbibine, wa yew tut nîşîyero mekteben Tirkan.”
Ez vazena sey kale xo vajî “Ha Hî Ha Hî”
Ez vazena sey kale xo vajî “Ha Hî Ha Hî”, Ey Şarê Kirdan-Kirmanc, Zaza û Dimil-
Ez vazena, sey şarê ma Kurmancan vajî Wey Mala Mine.
Wey Mala Mine!!.
Şima vînenî  se beno.
Tornê Sarê Erebon, Giyaseddîn Baydaş Zaningehî Çewlîg de dom  viraşta dom . Ez weş Giyaseddîn Baydaş şinasnena.  Ma piya Zaningehê Firat ye Xarpêt de wendenê.
Ucax Giyaseddîn Baydaş, MHP yî bi.
Eybo la, uşt uştê Turkeş bi.
Vatenê bab û kalê mi Tirkî. Giyasê Xeylon, Xarpêt de bibi Tirk laje Tirk.
 Wey Mala Minê, Ha Hî Ha Hî!!!
Polîsan ra ajanî kerdenê.
Ha Hî Ha Hî!!
Her roj  gerê yew wendekarê welatparêze Kird kerdenê.
Polîs ra ciya nîbenê.
Verardê polîs Musa dî bi.
Karê kî kerdenê kare MÎT bi.
Nika zî eynî gurî Çewlîg de keno.
La nika zî bi name Cemaatê Fetullahîyon  kar keno.
Yew vano sey aw o.
Kewno her qalip.
Ver cu merdome MHP yî û MÎT bi.
Nika zî Fetullahî û MÎT o.
La nika rûtbe îye gird kerda.
Şima vînenî se keno.
Wazêno şarê Kirdan lete bikero.
 Vurzeno vano,  Zazê Kird  nîyê.
 Îye dima ra Wezîrê  Perwerde-Bandorbiyayîş- Omer Dinçer zî eynî çîye vano. Şarê Kirdan,şima vînenî çi kay ser Çewlîg beno. Şarê Kirdan, şima vînenî Tornê Sarê Erebon çi  fesadî keno.
Sarê Erebon seba kî, nîkewro destê dişmen –eskerê Tirkan- xo eşt çemê Murad hina şehîd kewta.
La tornê Sare Erebon,  Giyaseddîn Baydaş, kewno verarde Tirkan.
Vano, Zazê Kird nîyê.
Hetê zanayîş  de zî ameyo îspatkerdiş Kirde esîl Kirde Zazayî.
Çend serrî vercu, hetê genetîk de Enstîtuya Leîpzîg Max-Blanc a Almanya, Zanîngeha Zanayî û Teknolojî a Norveç û Merkeza Gonî Netewî London ya Îngîlîstan de cigerayîş ameybi viraştiş.
Gorê na cigerayîş Zazê Kirdî yanî Kurdî. Hem jî Kirde êsilî.
Raştî hinawa.
La na  zurkerîya Giyaseddîn Baydaşê Fetullahî çîya?
Zîhnîyete Fetulluhîyon zurkerîya ,zurîya, seba nayê zîhnîyetê Giyaseddîn zî zurkerîya,zurîya.
Seba nayê ehmeqan, kale mi bilasev  nîvatenê “Ha Hî Ha Hî”
Ez zî vana, Ha Hî Ha Hî Giyaseddîn Baydaş.
Wa peronê-hemine- şarê Çewlîg Giyaseddînê MHPyî, MÎT û Fetullahîyî ra vajo.
Ha Hî Ha Hî Giyase Xeylon.
Ha Hî Ha Hî Xiyasê Xeylon, ma Sare Erebon Tirk bî ti bîye Tirk?
Ti seyî pîrika xo Sarê Erebon ra îhanet kenî. Ay cîneyêk bi egîda gird kerdibi.
La ti camerdî, la reyna ti seyî teresî kenê.