Silêman Soylî nê zimistanî de vat ke “Heta aşma nîsane yew nameyê PKK nêşinaweno.” Va, “Mi ristim (kok)e PKK qelînanî.” Raştî ra AKP-dewleta tirk hina plan kerdibi. Hina bawer zî kerdênê. Gore plan û bawerîyan înan gera PKK nêmendênê.La ne plane înan sey plankerdibi bi. Ne zî sey hêvî kirdibi, hêvîyê înan amê ca. Nika hêvîyê AKP û dewleta tirk ney, hêvîyê şarê kurd yenî ca.
Zimistan xelas bi. Wisar ame. Vewre helîya. Awê lay û lay çeman bîya laser. Serê koyan bîyo vil û vilikan. Gem û xeydê Kurdistan bîye kesk û zergûn. Bîya vîç vîçê milçikan. Qeb qebê zerancana. Kekû vanî kekuu kekuu. Bizêk û verek vanî beh û meh. Dar û ber a bîyo. Ko, deşt ve gelî senî newera şên bîyê.
Kurdistanijî bi hêvîyêk zaf pîl, sey xoza a bîyê. Şa û şadî bîyê. Rîye înan huyeyeno. Wexto ke verê xo danî koyan hîna şad benî. Ewnenê koyan bayî vengê tifinganî. Şarê kurd hina hêvî keno, la hêvîyê înan zî hewa de nêmeno.
Hêdî hêdî serê koyan ra heta gelîyan, gelîyan heta deştan. Dewen ra heta qezayan, qezayan ra heta bajaran bîyo teq û req tifinganê gerîla. Ters kewto zereyên neyaran(AKP-MHP-Hîzbulkontra Hudapar, polîs û eskerê tirk, ajan). Zanî qey înan her roj mergo. Vanî ya, “Egît yew rey, tirsonek her roj mireno.” Gerîlayê Kurdistan wexto ke benî gerîla qey xelasîya şarê kurd pêronê çîyê xo feda kenî. Peynî de hewce bikero gane xo zî qey azadîya Kurd û Kurdistan. La neyar hina nîyê. Zimistan bi, nat weta eştenê. Borebore, qîrêqîrê înan bi. Wa nika borebor û qîrêqîr bikerênê.
Hêdî wext wextê gerîla yo. Sey Reçber Ezîz vato, gerîla hêdî neyarî ra vano, way way nînna.