Engîn Eroglûyo 28 serrî yo ke dewa Yaylagunu ya Pulurê Dêrsimî de ciwîyeno, roja Şeme heywanê xo berdî çerênayîş. Badê ke Eroglû şan de nêagêra keyeyê xo, dewijî zî tede xeylê kesî seba gêrayîşê Eroglûyî kom bîyî. Merdimê êyê ke şopa Engîn Eroglûyî dima şîyî, nizdê Pirê Şorşwenkî yê qeraxê Mizurî de telefonê destan û şewqaya Eroglûyî dîyî. Rayîrê serekeyî de zî şopa gonî ameye dîyene.
Badê ke keyeyî xebere daye û ekîbî ameyî herême, xebatê cigêrayîşê Engîn Eroglûyî Newala Mizurî de dewam kenê. Pîyê Îbrahîm Eroglû Alî Îbrahîm Eroglûyî waşt ke xebatê cigêrayîşî û xelesnayîşê bêrê zêdekerdene û ekîbê taybetî herême rê bêrê şirawitene. Alî Îbrahîm Eroglûyî wina domna: “Wa lajê mi bêro dîyene. Hêvîya mi na ya. Wa ekîbanê taybetan bierşawê tîya, wa kesê ke eşkenê nê karî safî bikerê, bieşrawê. Wa tîya de çîyêk nêro sereyê kesanê ke nê karî nêzanê, ma do bikewê ver, ê zî ewladê min ê.”
PÎRHA / DÊRSIM