NACÎ KAYA / MA/STENBOL
Vîrûsê Koronayî (Covîd-19) pêroyina Dinya ra vila bî, hema zî çi heyfo ke dermanê na nêweşî nêame dîyîş, seba vergirewtişî tay tedbîran yenê girewtiş. Goreyê pîsporan Tirkîya de vila nêbîyayişê nêweşîye ser o tedbîran qiym nêkenê, ekipman û kelmelê karkarê weşî zî çi heyfo ke kêm ê.
Babete ser o Endamê Desteya Odeya Tabîpî yê Stenbolî Murat Ekmez vat ke vergirewtişê nêweşî de rolê maskeyî zaf bi muhîm o û wina vat: “Bi nameyê M95 û M99 maskeyî estê, çi heyfo ke nê maskeyê hema zî karkarê weşî ra nêameyê vilakerdiş.”
Ekîpmanê vergirewte çin ê
Ekmez aşkera kerd ke xebatkarê weşî çi heyfo ke binê rîskî de yê û wina domna: “Eke ekîpman û kelmelê xebatkarê weşî nîrê temamkerdiş, do xebatkarê weşî zî barkêşî na nêweşîye bibê. Hema zî xebatkarê nêweşxaneyî ra agahî nêameyo dayiş, Îtalya de seba ekîpmanê karkarê weşîye kêm bî, no ser nêeşkîyayê nêweşan ra mudaxeleya raştin bikê. Rîyê nêweşîye ser o, welatijan do sifte şîrê nêweşxaneyan, no ser ganîya ke nêweşxaneyan nêbî merkezê Vîrûsê Koronayî. No ser xebatkarê weşî ra weş û raşt agahî bêrê dayiş. Eke ma weşîya komelî wazenê, ganî weşîya xebatkarê weşîye zî do bifikrê.”