“Ez dinya û heme dewletan ra veng dana ke wa vengê cenîyê êzidîyî seh bikerî û wa domanê ma destê aye hovan ra xelas bikerî.”
Destê înan de yî
Fane Silêman ciresna ke hêrişê DAIŞe sey yew roja sîya ser Şengalî de ronîşto û wina vat: “Bi hezaran cenîyê ma destê aye hovan de yî. Cuyenî an nêcuyenî, ma nêzanî. Ma nêzanî do çi bikerî. Ti dewlet heta nika semedê xelaskerdişî çîyek nêkerdo. Destê ma ra vindertişî ra vîşêr çîyek nîno. Ey merdimatî vengê ma seh biki. Lazim o dinya heme seferber bibo.”
Telaferî de ya
Fane Silêman qalîkerdişê xo de bal ant ser gêrayîşê kênaya xo û qalîkerdişê xo wina peynî kerd: “Wextê ke DAIŞ hêriş kerd kênaya min hetê ma de nêbî. Yewna dewî de mendênê. Înan mîyanê aye dewî de tepiştî. Nika ma nêzanî ka kura de yî. Yew aşme verê kênaya min gêray û vat ez Telafer de ya û halê ma qet baş nîyo. Kênaya min xo senî resna telefonî ez nêzana. Labelê domanê ya zî hetê ya de yo. Ma pî û merdimê xo yê bînan ra heta nika ti agahî nêgirewt. Ma dewletan ra wazenî ke wa merdimê ma xilas bikerî.”