Grûba Heqê Merdiman yê Mîyanneteweyî serra 1962 ra nata ser nameyê rojnameger û nuştoxê alman Carl von Ossîestzkyî de xelatan dana. No dezgeh 2 serran de reyêk xelatan dana kesê ke bitaybetî seba komelî û heqê merdiman têkoşîn danî. Grûbe bi îzeheto nuştekî wayîrê xelatanê emserî zî aşkere kerdî.
Grûbe îzehet de dîyar kerdo ke emser seba xelatan Hemsereka Şaredarîya Cizîrî Leyla Îmrete û pawitoxê heqê merdiman Ottmar Mîles Paul lîyaq ameyî dîyayene. Grûbe dayo zanayene ke Îmrete 2014 de bîya hemşaredar û wina vato: “Leyla Îmrete se ra 83ê reyan girewte û seba ke Cizîr aver şêro têkoşîn da. Seba ke derheqê Îmrete de dozî abîyî û wezîfe ra ameye girewtene, mecbûr mende ke biagêro Almanya. Îmrete nika seba çareserîye xebatanê xo domnena.”
Merasîmê xelatdayîşî do 16ê kanûne de bêro viraştene û xelatî o wext bidîyî wayîranê xo. Seke yeno zanayene Grûbe 2016 de xelat daybî projeya Sos-Medîterranee ke behr de xelesnayîşê bextwaştoxan kerdbî amanc û fotografkêş Kaî Wîedenhoferî. 2014 de zî xelat dîyaybî Edward Snowden, derhêner Laura Poîtras û rojnameger Glenn Greenwaldî girewtbî.
JINNEWS / AMED