Xelatê Rojnamegerîye yê Şehîdê Çapemenîya Azade û Mûsa Anterî ke her serre yenî dayene, emser reya 27. ameye organîzekerdene û 5 kategorîyan de xelatî dîyayî rojnamegeran. Nameyê kesê ke xelate girewtî aşkere bîyî û seba dayîşê xelata ê kesan merasîmêk ame viraştene.
Musebeqa de beşê xeberanê Tirkî de jurîyî xelate daye 2 kesan. Ajansê Mezopotamya ra Ahmet Kanbalî bi xebera xo ya derheqê qayûmî û rojnameyê BirGunî ra zî Huseyîn Şimşekî zî bi xebera xo ya derheqê xelisyayîşê domanan de xelate girewte. Heto bîn de ajansê Euronewsî ra Rabîa Çetîne zî bi xebera xo ya derheqê bextwaştoxan de xelata jurîyî girewte.
Beşê xeberanê Kurdkî de Gokhan Altayî bi xebera xo ya “Qeyûmên Sîlopiyê erdên aîdî şaredariyê bi erzanî firot rêveberên AKP’ê” bi yewin. Beşê xeberanê Cinîyan de jurîyî xelata jurîyî ser nameyê ronamegeranê cinîyan ê tepişteyan dayo edîtora Jinnewsî Kîbrîye Evrene.
Xelata rûmetî dîyaye 3 kesan
Jurîyî emser xelata Rûmetî zî daye. Xelata Rûmetî dîyaye 3 kesan. Rojnameger Huseyîn Aykol, şaîr Hicrî Îzgoren û Avûkat Ozcan Kiliçî xelata rûmetî girewtî. Beşê xelata fotografan de zî muxabîra Jinnewsî Rojda Aydine, bi fotografê xo yo Ablûqa û Xoverdayîşê Cinîye (Abluka ve Kadin Direnişi) xelate girewte. Beşê karîkaturan de zî Aşkin Ayrancioglu xelate girewte.
MA / AMED