...hetê dewleta dagirker (Îran) ra îdamî hîrê sîyasetmedaran kurd bi meşgul. Şarî Kurdistan no hefte de yew rojdemo pir cuya. Nê meselan ser polîtîzê bi. No hefte de rojdemî raya kurd îna bi mihim meselan ravîyert.
Meseleyê kewtî têzere, tesîrî xo virazîya, bar bi giran. O gorê zî şarê kurd verbi îdaman, verbi paketa ewlekî ya zere, verbi zext û zorîya dagirkeran, eynî sey enîya Kobanê û Şengal xover da. Tabî ke raya kurd Vaşûrê welat û Rojawan de pê serekewtişî YPG, YPJ, HPG û Pêşmerge paye ra girewt, weşhalbi. Zere de zedê zî goş da hawara zonê xo. Kolan û kuçe de çalakî de bi. Meclîsan de karîgerî de bi, destêk da polîtîkaya sîyasî hereketa kurd. Tabî ke zere de amedekarîya weçîn zî guragur dewam kerd. Wakurê welatê ma şar hedî-hedî kordînê weçîno umimî zî beno. Şarê ma bi îdamî ciwanan zaf deja. KCK dewleta dagirker Îran, bi hewayo tund îkaz kerd. Waşt raya pêro kurd û merdimahî,verbi îdaman têkoşîn berz bikêre. Waşt, şar awayê tegerînê îdaman protesto bikêro. Çi tesadufo, dewleta Îran eynî sey çetegera DAIŞ ciwanan şarê kurd qetl kena. Çi tesadufo têder planî komkiştişî pêk anî. Tek amancî nayan, wa Kurdistan azad nîbo û metînkarîya pers û tirkan de bimano.
Xulase; şarê kurd xo ver ro dano. Bi yewbînan îstîşare de yo. Hezen parastin (gerîla û pêşmerge) têdereyê. Ayera dewletî deshelat (Îran û Tirkîya) ê neteweperest û statûperest kewtê newe legereyayişan dim. Tesaduf nîyo, senî ke DAIŞa çeteger Kurdistan de têk şî, narey rejîma Îran û Komara Tirkîya bi limite peymanan, bi limite operasyonan û plananan vejîye werte. Eseno ke no plan newe ra îstîla kerdina Kurdistan ser o yo!. No derhek de rojnameger nuştox Alî Bulaç, o rojnameyo Zaman de nayan nuseno. Çîyeko Alî Bulaç nuseno, rojnameger nuştox Murat Yetkîn zî Rojname Radîkal de teyît keno. Bi kilmek mesele ona ya; Verêpersîyarê balyozxanê Îran ya Enqere Alî Riza Bîkdelî çend rojnamegeran dawetî werwerdişî keno. Îta de çîyanê acayîpan vano.
Vano: “1990 de wexta hegomonîya Sovyet bî vila ez Moskova de bîya. Kam texmîn kerdêne îna dewasa yew pergal beno vila”. Bîkdelî qise xo ano Tirkîya û Îran ser. “Zere 15-20 serr de Tirkîya û Îran benê lete. Êyî ke giredayê yewbînanê di welat. Wexta faya erdnîgarîya kurd bişikîyo, Îran zî têser, têbin bena. Stresa ke na xete fay de pêk yena mesele kurd a”. Seranserî Kurdistan de serwederayişî 6-9 Citmengî nimunê mojneno ra. Vano: “Heman wext de Texran û Urmîyê de kurdan serwedarit. Ma xo vîra meker, a ala ke ancîyaya verbi asîman sîmgeya Komara Mahabatî ya”. Xulase; Bîkdelî aşkera aşkera vano. Surî û Îraq de paramîlîtere ma DAIŞ, Xîzbulah û Hamas êdî têk şîyê. Letebîyayişî Surîye û Iraq beno sebebî letebîyayişîya ma. Bi kilmek vano, henverê yew Kurdistano azad Tirkîya û Îran gera têder hereket bikêrî.