Kurdanê ke welatê xo ra koç kerdo û ameyê metropolan waşt ke nê firsendî ra îstîfade bikerê.Bi saya dezge - komaleyan, kes û komanê çepgeran (sol franksiyonlar) xebatê ko şirîg kerd.Waşt ke radyoyêko muşterek bibo. Înan vat ke wa xizmet bido ma. Beno ke wayîrê ci yew kes bo yanê şexsî bo. La wa vengê ma biresno yewbînî.
Antalya FM
Radyoyo ke tewr jêde ame zanayîş Antalya FM 105 bi. Zaf ray ame padayîş, zaf cezayê giranî ci rê ameyî birnayîş..Antalya de Antalya FMî ziwanê kurdkî rê zaf xebatî kerdî. Qet cayê de kesî neêşkayê ca bido kurdkî Antalya FMî ca dayê kurdkî… Bedelê ci hêriş û padayîş bi. Heya 2001î xover da.
Stenbol de Anadolunun Sesî û Yaşam Radyoyî zî xebatê zaf bi qiymetî kerdî. Îzmîr de Demokrat Radyo. O wext de şar bi nê radyoyan wahar vecyayê. Kurdan û kesanê demokratan her tim goşdarî kerdênê, reklamê xo dayênê ci. Seba waştişan her dem înan rê telefon kerdê. Şarî hemme xeberî radyoyî ra girewtê.
Çira ameyî padayîş
Eke jû merdimî welat ra koç bikerdaynê û bêameyê nê metropalan en sifte radyoyî goşdarî kerdê û raştê nê qanalan ameynê û telefon akerdê yan zî mektube erşawitê û dewijan, nas û dostanê xo rê kilamî erşawitê, vatênê ez ameya, ez welat ra koçber ameya.Goşdaran yewbînî rê kilamî erşawitê, keynek û lacekan jûbînî rê heskerdişê xo ardê ziwan. No semed ra nê radyoyan zaf xover da. Bi serana pay ra mendî, mabenê welatîyanê koçberan de bî pird.
Nika nê her çar radyoyî zî ameyî padayîş. Çira? Îmkanê înan nêmendî. Nêeşkayê debarê xo bikerê.Hemverê kapîtalîzmî û teknolojî de zayif kewtî. Nika nê metropolan de radyoyê ke weşanê kurdkî bikê estê, labelê o tamo verîn çîn o. Çunkî ê radyoyê verînî çîn ê.
VENG/AJANS