20ê temuze 2015 de qezaya Pirsûsî ya Riha de vera kesê ke seba hetkarîya domananê Kobanê her cayê welatî ra ameybî têhet de teqayîş virazîyabî û teqayîş ver 33 endamê Federasyonê Komeleyê Ciwananê Sosyalîstî (SGDF) merdbî. Badê teqayîşî derheqê Mudirî Asayîşî Mehmet Yapalialî de tehqîqat amebî destpêkerdiş û netîceyî de Mehmet Yapalialî rê 7 hezar û 500 TL cezaya pereyan ame dayîş.Babet ser o kesê ke teqayîş de birîndar bîbî, qisey kerdî.
Qerar amebî dayîş
Yasin Canî qiseykedişê xo de wina va: “Ma cezaya pereyan qebul nêkenî. Teqayîş ra tena yew polîs berpirsîyar nîyo. No mehkemekerdişêko formalîte yo. Yarîyê (henek) xo bi ma kenî. Ancax ma bibî yew ma eşkenî na gonîye bidî vindarnayîş. Ma do hesabê ci bipersî.
Hende erjan nîyo
Onur Kartalî zî qiseykedişê xo de wina va: “Eke doze bi hawayo edaletin biameyêne muhakemekerdiş do rayîrê merganê bînan bigirîyayêne. Cuyê 33 kesan bi 7 hezar û 500 TL nîno rotiş, ma do hesab bipersî.” Verfeka SGDFyî Ceren Çobane zî va ‘eke qetlîyam nêro roşnkerdiş do her roje mergî bibî’ û wina va: “No qerar de kamî qetlîyam kerdo û kamî emr dayo, dîyar o. Raştîye her kesî ra yena nimitiş. Cezaya ke seba Mudirê Asayîşî ameya dayîş, ceza ra vîşêr sey xelate ya.”
DÎHABER / RIHA