Operasyonê tepiştiş û tewqîfbîyayîşan dewam kenî. Polîsan saetanê serê sibayî de eştî keyeyan ser, xeylê kesî tepiştî. Bitaybetî Amed, Anqara, Stenbol, Îzmîr, Bûrsa û sewbîna cayan de xeylê kesî tepişîyayî.
Amed de Parlamentera HDPyî ya kehene û Endama Kongreya Komelê Demokratîke Mulkîye Bîrtane ameye tepiştene. Anqara de zî Hemsereka Sendîkaya SESî Gonul Erdene, Ramazan Taş, Yilmaz Yildirimci, Adem Kaya, Yusuf Guler, Bahadir Demîrcan, Mahabat Akin, Davut Çalişir, Haydar Ustundag, Zekî İşil, Lezgîn Kutup, Aydin Keleş û Emrah Oner ameyî tepiştene.
Îzmîr de endamê Heyetê Caardişê Merkezî yê HDPyî Mahfuz Guleryuz zî tede 20 ra zêde kesî ameyî tepiştene. Stenbol de zî bi nameyê Nîmet Acarî de avûkatêko stajyer ame tepiştene. Bûrsa de zî 3 kesî tepişîyenî. Reyna ame musayene ke bajarê Wanî de zî tewr tay 42 kesî ameyî tepiştene. Kesê ke tepişîyayî mîyan de rojnameger û xebatkarî zî estî.
MA / AMED