Operasyono ke 2 cepheyan ra yeno ramiten de, QSD ra pîya, ‘Lîwa Siqûr El-Reqa, Lîwa El-Tehrîr, Lîwa Şuheda El-Reqa, Tugaya Şuheda Hemam El-Turkam, Lîwa Ehrar El-Reqa, Siwaar Til Ebyed û Meclîsê Lejkerî yê Suryanîyan ra pîya xêlê quwetê bînî ca gênê. 

Fermandarîya Hêzê Sûrîyeya Demokratîke dabi zonayen ke, seba ke quwetê înan bi hawayo nîzamî aver şêrî, ‘Odeya Çalakîya Xezebê Firatî’ ameyo awankerdiş.

Leqwa û Cedûî xelesnîyay

Çarçoveyê hemle de, lejwanê Odeyê Çalekî yê ‘Xezeba Firatî’ ke cepheyhe Silûk ra hereket kerdî, dewa Leqta ke 14 kîlometre dûrê dewa Qenterî de ya xelesnay. Dewa Leqta kişta lejkerî de cayeke stratejîk û berz o. Na dewe ser raya bazarîya mavêna Reqa û Cizîr de ya. 

Cepheyê Eyn Îsa xêlê dewe newî xelesnay

Herzewbîn cepheyê Eyn Îsa zî 12 kîlometre aver şi û çend dewî çeteyan ra xelesnay. Çarçoveyê hemle de deweka (mezra) Cedûî ke 10 kîlometre başûrrojhilatê Eyn Îsa de ya zî çeteyanê DAIŞ ra amê xelesnayen. Xelesnayişê Cedûî ra dima çeteyî kewtî hereket û waştî bi wesayîtanê bombebarkerdî hêriş virazê. La quwetanê QSD na hwldayena çeteyan veng/tol vet û wesayîta çeteyan îmha kerd. Dewa Cedûî ra dima dewa Ebêd û dewokê Şêx Salih û Cîhad ke kewnê rojhelatê Eyn Îsa çeteyanê DAIŞ ra amey pakkerden.

Roja sifte yê hemle ra heta na het bi desan dewe û mezrayî ameyî xelisnayîş. Operasyonan de herzewbîn dewê Wehîde û Umî, mezrayê Qirtaca, Westa, Heran, Cera û sewbîna dewe û qezayî zî ameyî xelisnayîş. 

Aver şîyayişê lejwananê hemleya ‘Xezeba Firatî’ rameno.  Lejwananê hemleya ‘Xezeba Firatî’ aşkere kerdî ke ê gam bi gam nezdiyê hardê xo benê. Lejwanan day zonayen ke heta ke Reqa çeteyan ra bîro xelesnayen, tekoşîna înan do biramo. 

Merkezê xîlafetî şikitenime

QSD ke roja verî bi  îzehetêke hemle da destpakerdiş, dabi zonayen ke Reqa, hetê çeteyan ra sey merkezê xîlafetî yeno şinasekerdiş û aşkere kerdbi ke heta ke operasyonê hinan netîce bigîro iyê dê têkoşînê xo bidomnî. 

QSDyî aşkere kerdbi ke senî ke ê Kobanê, Girê Sipîye, Hesekê, Hol, Şedadê û Minbic de ser kewtî, dê Reqa de zî ser bikewî û hina vajîya: “Ma yewna rey veng danî hêzanê mîyanneteweyî ke wa bi piştîdayîşê leşkerî, lojîstîk û manewî hetê ma de bîbî. Reyna rêxistinê heqê merdiman zî seba xelisnayîşê Reqa yê destê çeteyan ra ganî wezîfeyê xo bikerî. Ganî şarê ma zî cayê ke çeteyî tede yî, ê cayan ra dûrî bivinderî û tewrê hêzê ma bibî.” 


 REQA