Qeymeqamî ra teblîgat
Canpolat îna vano, ‘Wexto ke Farqîn de xisar ame meydan, gere ma ca de dest pê karê ser û binê erdî bikerda. Labelê bi mazeretê ‘ewlehî’ emnîyet destûr nêda ke ma gelek taxan de nê karî bikerî. Hetêk de vernîya ma yena girewtiş heto bîn de zî şar bayê xizmetî yo. Şaredarîya Bajarê Gird a Amedî dewê teberê Farqînî de dest pê karê stabîlîze û asfaltkerdişî kerd, 13 taxê cîya de îhaleya asfaltî qedîna. Labelê Qeymeqamîya Farqînî derheqê 13 taxê ke xizmet bêrê kerdiş de teblîgatêk şirawit ma û bi mazeretê ‘ewlehî’ waşt wa karî bêrê edelnayîş.
Antî propagandayê şaredarî
Canpolatî qiseykerdişê xo îna domna, ‘Hindêsê, Cumatê, Şerelî, Zinzin, Heremo, Qizlalê, Çiçika, Şebdera, Mala Elîka û gelek taxanê bînan de gere karê asfaltkerdişî bêro destpêkerdiş. Astengkerdişê nê karî ke îhaleya ci zî qedîyaya raştê razînêbîyayîşê şarî yeno. Şaredarîya Bajarê Gird semedê sivikkerdişê barê Şaredarîya Farqînî mîyanê xebatan de ya, la karê înan zî asteng beno. Nika medyaya hetkar antî propagandayê sey ‘şaredarîyê herême nêxebetînî’ xeberan weşanenî. La ma pê belgeyan nîşan danî ke karê şaredarîya ma û Şaredarîya Bajarê Gird yenî astengkerdiş.’
ANF/AMED