Pîrê Ocaxê Sînemîlî Suleyman Depremo ke ser elewîye cigêrayîşan keno û nuşteyan nuseno, seba xorayîrberdişî vat ke xorayîrberdiş cewherê elewîye de esto û elewîyan rê xerîp nîyo

Kurdistan de şarê kurdî vera hêriş û qetlîamê ke hikûmatê AKP 7’ê Hezîrane ra heta nika dayo destpêkerdiş û nika resnayo duştê qetlîyamî vera bêxera xoverdayîş û xopawitişî sewbîna weçînite çin o, pergalê xo yê xorayîrberdiş û xopawitişî îlan kerdî labelê hukimatê AKP û çapemenîya  waştişê şarê kurdî yê xorayîrberdişî zey cîyakarîye nîşan dayî û hukimatê AKP û dewleta tirk bi hovane hêrişê şarê kurdî kenî. Dijî nê hêrişê dewleta tirk û AKP elewîyî dest pê çalakîyan kerdî. Pîrê Ocaxê Sînemîlî Suleyman Deprem pergalê xorayîrberdişî ser qise kerd.Pîr Suleyman Deprem dîyar kerd ke elewîye komelê ke nê xerîbê ferasetê xorayîrberdişî yî, no pergal demê vîyarte de komelê elewîyan de vîyartênê û hema zî zaf hereman de vîyarte yo,xoserî şêweyêke rayberîya xerîbê komeleyan nîya, desthilatdarî bi zanayîş waştişê xorayîrberdişî têmîyan kena. 


Bandorî kêm keno

 Pîr Deprem wina vat: “Xorayîrberdiş bandorê dewlete ya ser şarî kêm keno. Şêweyêke cuyaya ke nêverdano hetê zordarê dewlete xo biresno şarî. Xorayîrberdiş, bêyî dewlete çareserkerdişê problemê mîyanê xo de yo. Her çikê heremê xoser yenî berardiş, bi temamî nê hereman yenî gurenayîş. Ya ke dewlet nêwazena zî na ya. Seba ke dewlet barê tewr gird welat de desteser kerda. Nêwazena na destê ey ra şêra.”


Rîsipîyê Dersimî

Deprem ard ziwan ke sebebê  Qirkerdişê Dêrsimî ke bi hezaran merdimî ameyî qetilkerdiş, xoserîya heremê Dêrsimî bî û wina dewam kerd: “Heremê Dêrsimî şêweyêke rayîrî ya goreyê rayîr û erkanê elewîye, çarçiweya felsefeya Şaristanê Rizaye de cewherê xo pawit û ti têkilîya xo bi dewlete ra nêbî. Demo dewleta Komara Tirkîya awan bî, rîsipîyê Dêrsimî bi rayîrê mektuban rayedaran ra ciresnayî ke ê wazenî rayîrberîya xoser bidomnî labelê dewlete na rewş qebul nêkerd. Bade dest bi qirkerdişêko gird kerdî. Yew zî semedê bingeyê no qirkerdişî zî israrê xorayîrberdişî de bî.” Deprem aşkera kerd ke elewîye bi tena sereyê xo wayîrê xorayîrberdişî û xoserî yî û destnîşan kerd ke xorayîrberdiş şêweyêke cuya têkilîyê komelî ya bêçînî û azadîye ya û cewherê elewîye de xorayîrberdiş esto û elewîyî xerîp nîyî.