Babete ser o rayîrberî qalî kerdî. Azayê Rayîrberîya Tevgerê Komelo Demokratîk (TEV-DEM) ê Kobanê ke heman demî de verpersîyarê Keyeyê Şarî yê Kobanê yo Dixtor Sefkan ciresna ke Şorişê Rojawanî 19’ê Temmuze 2012’î ra heta nika verdewam keno û wina vat: “Tevgerê TEV-DEMe mîyanê komelî de rayvistkerdiş û dezgehbîyîş awan kerd. Heme dew û taxan de meclîsî amey awankerdiş. Heme dinya dî ke no model modelêkî zaf dewlemend o. No modelî de bi temamî sîya û bi temamî sipî çin o, çimkî siya û sipî dewletê neteweyan de esto. La xoserîya demokratîke de zaf renginî esto. Ma qanunan esas nêgenî, komelî esas gênî.”
Meclîsî awan biyê
Azayê Rayîrberîya Meclîsê Keyeyê Şarî ya Kobanê Mihemed Şahînî vat ke Keyeyê Şarî beşdarkerdişê şarî esas gênî û wina vat: “366 hebî dewê Kobanêye estî û heme dewan de goreyê girdîya dewan meclîsî ameyî awankerdiş. Mîyanê nê meclîsan de karbeşî yenî kerdiş û problemî goreyê nayî yenî çareserkerdiş. Yanî heme hetê şarî ra yenî çareserkerdiş. Sey fînak şar problemê ceryan, aw û yê bîn mîyanê xo de tesbît keno û goreyê ci çareser keno.”
Problemanê xo bi rayîrê meclîsî çareser kenime
Karê Qeleme ya Heyetê Aştîye Mîrvet Mulşîn ke 30 serre ya, ard ziwan ke aye bi xo xebatê ke ameyî kerdiş nusena û wina vat: “La azayê bînî emrê înan pîl o û mîyanê komelî de yenî naskerdiş. Teberê 9 kesan de her kesê ke rayîrberîya meclîsê Keyeyê Şarî de ca gênî yew ya zî di kes azayê no heyetî yî. Wexto ke problemêkî beno, azayê no heyetî kom benî û bi hetkarîya yewbînan aştîye virazenî. Wezîfeya heyetî ya esasî pêardişê wirdî hetan o û goreyê no xebat dano meşnayîş.”
Azayê Rayîrberîya Meclîsê Keyeyê Şarî ya Taxa Şehîd Yahya Mistefa Ximêdî ke ser nameyê malbatê ereb ê taxî cayê xo meclîsî de gêno dîyar kerd ke, ê bi meclîsî zaf kêfweşê û wina va: “Wextê rejîmê BAAS de çîyo inasarên çinêbî. Ximêdî aşkere kerd ke, serva ke ê zey erebî meclîsî miyan de yê kêfweşiya xo ard ziwan û da zonayene ke, ê pêrokîn problemanê xo, bi rayîrê meclîsî çareser kenî.”
DÎHA/KOBANÊ