Meclîs bi heme tewir biryaran xo bi xo gêna. Meclîs game kê, nê biryara gêna, bi qabê nunerê yewîra nê, hetta bi gurewê profesyonel ra zî nêgêna. Bi taxan de, kam roşeno se, bi qabê xo ra biryara qeraran gêna, qet bi nameyê yewî ra nê. Mana Hemwelatijê Azad zî, anahewa ya, her kes bi qabê xo ra biryar girotiş o.
Her nuner gerek yew îdealê ey bibo
Ek yew nameyê yewî ra, nameyê nunerî ra, kesî ra şoro kombîyayîş se, o merdim gerek her wext kontrol bo. Eger kemaseya ayê merdimî bibo se, derhal ayo merdimî gurera apey gêrêno. Gurew ra şiynê arz bikere. Bi rastî ra o kes nunerê şarî nîyo? Xizmetkarê şarî yo. Her nuner gerek yew îdalê ey bibo. Yew serre mîyan de, sewbîna cayan de ca bigero. Gerek nunerî heme hewa ra ceribnayîş bo û profesyonel bo. Rayvistişa komunalî, kombîyayîşê bingeyê konfederalî de, rayvistişbîyayîş o. Komunala rayvistişê dewletî ra teber, rayvistişa komelî ya, bi milê komelî virazena. Nêmdar û demokatîk a.
Ardimî ra, biryar girotişê tarzê îdarî yo
Yew komel, ek dewlete ra teber bê dewleti, ek dewleti neyê problemî hal nêkerdî se, sîyasal, cematkî, aborî, huqiqî, sewbîna aktivîstan ra, rêbazê sazkerdişê hizê demokratîkî yo. Esil komunî, komelkî de, tarzê rejîmê demokrasîyan de, hem biryar girotişê hereman de, biryarê meclîsan o. Hem zî nêmdarî de kar û rolê kordînatorî yo. Komunî heme çîra ver, dew tax, kuçe û heme çî bi rayvistişkerdiş î. Ardimî ra, biryar girotişê tarzê îdarî yo.
Nê het ra komun, tarzê cuyê demokratîkî yo. Sewbîna het ra, bi serê îxtîyacî sero, gurewî komunî eşkenê bivirazîyê. La komunî, sirf çareya halkerdişê probleman nîyo? Bi viraştişê sazkerdişê sîstemê komunal ya demokratîk de şênber halkerdişê yew cayê problemî ra, cayê cuyê biryarê mekanîzma ra û viraştişê bingeyê kar û rolê kordînasîyonî yo.
Îdarekerdoxîya demokrasî de virazîyeno
Viraştişê komunan bi vesîleyê despêtkerdiş o. Hînê badî zî dew, tax, asayîş, aborî, sîyasî û cematkî de heme cuyayîşê mintiqayan ra, hêza xorayîrberdişî organazîsîyonî armanc beno. Komun komel û kesayetî de, beşdarbîyayîşê bi zerrîya xo ra xebetyayîşê guriban ra ekolojîk, tebîî û rastîya evrenî ra beno. Kerdişê aborî de, bi tarzê yew nêmdarî de û nê xirabkerdîşê tebîî ra yew hewa ra virazîyena. Xebetnayîşê komunî de, esasê bingeyê demokratîk ra, bi rastîyan ra, îdarekerdoxîya demokrasî de virazîyeno. Esil yew tewir meclîsê şarî ya.
Bingeyê demokrasîya şarî raşt bena
Biryara hembar bi kolektîf xebat beno. Ravêreyeyê biryaran de hîna hera, bi zafîn ra viraştişê demokratîkî yo. Mana Tevgerê Hemwelatijê Azad rayvistiş a. Meclîsê şaristanî, rayvistiş de rihê komunî yo. Meclîsê şaristanî îdarekerdişê kolektîf yew organê biryarî yo. Meclîsê şaristanî mîyan de, komunî pêro rayvistişa komelê sivîl a, delegasyonê şaraderîyê taxan, sewbîna pêro nunerê rayvistiş ra virazîyenê. Şixulnayişê tuzugê demokrasî rey de xebitîyenê.
Meclîsê şaristanî daîmî komunan rey de xebitiyayîş de pêyra bestey ra. Tewr îdeal meclîsê nazî, komun, rayvistiş de, tewr îdeal rayvistişa taxan a. Şaristan û dewan ra, ewta de komelî pêro heway yew meclîsê nazî, heway yew komunê xebitîyenê. Eger hareketê Hemwelatijê Azad wexto ke serkewtişî rey de pratîze bibo se, paragdîgmaya newa ra bingeyê demokrasîya şarî rast bena. Ek mana komunalî demokrasî rast nêro famkerdiş se, komelî de tebîya komunalî weş analîz nêbo se bingeyî de a wext şaşî bena.
Averşîyayîş de zahf kemanî û zahmetî virazîyenê. No hewayo ke xebatan de, averşîyayîşê têkoşîn de bi zahfî problemî estî. Bi teybetî şaristanê Amedî de, yew problemo gird esto. Bi verên ra sazî û dezgehî bi xo problem î.
Bawerî çinê bo se ma nêşînê çekî bikerê
Şaristanê Amedî ra teberî ra her kes sewbîna çimî ra ewnêno. Çunkî şaristanê Amedî çimê dinya de, zerrîya kurdîstanî ya. Gerek şaristanê Amedî zî rolê xo kayko. Labelê senîhewa rolê xo kay ko? Ma vanê kê, No qabê paragdîgmaya newî ra yew komelê newî û komunalê demokratîkî înşa bikê. Bi verên ra gerek bingeyê neyê komelî bibo.
Bingeyî çinêbo se, ma xebitîyayişê komelê newî de, xetimîyenê. Xora nêweşî ewta de ya, ma senîhewa nêweşî derman kenê? Eger her kes bi qabê nê nêweşî ra sereyê xo bidejno se, heme çî hal beno. Labelê yew çîyo muhîm esto. O zî bawerî ya. Ek bawerî çinêbo se, Ma nêştê çekî bikerê? Bi bawerî de ling û destê ma şar o. Şarê ma yo.