Di pêroyina Kurdistan, Tirkîya û Ewropayê de coşa weçînayişî domyena. HDP sewbî partîyan cida bi beyannameyê xo elaqa ancena û HDP 268 namzedê cenîyê dîyar kerd. 

Coşa weçînayişî ser na hewta Huseyîn Alî quncikî xo ya di Rojnameyê Ozgur Gundemî de vat ke HDP beyanata xo ya weçînayişî aşkara kerd û raya sifteyin bike partîyeke waşt û hevîyêy elewîyan cemawerîyî verde dîyar kerd.


Waşteyê heme şaran

Alî di nuşteyê xo de dîyar kerd ke bi ney hawayî zî heme şarêy Tirkîyayî de cuyenê ver de waşteyê înan ard ziwan û heme kesan vîna, bi ney kiştî de heme kesan vîna ke partîyeke elewîyan temsîl kena est a û wina vat: “No hawayê partîyî semedo ke partîyê bîn elewîyan ‘zey keso bîn’ vînayişî ra ame. HDP partîya; kesêy bindest, xizan, mazlûm, kesêy ke kerdêy kesêbîn û bawerîya înan girotê bin payan, polan, ciwanan û cenîyan a.”


Partîya azadîwaşt

Hewna Alî di nuşteyê xo de aşkera kerd ke partîyeke azadîwaşt, cenîyan bi xozayî partîya elewîyan, kurdan, kesêy pelixyay û dayê pelixnayişî, suryanîyan, ereban, çerkezan zî ya, semedo ke partîyî biko ruh û vîjdanê cenîyan, azdîwaşteyeke xorî û demokrabîyiş û eke ‘kesêybînî’, kesêy ke amey û yenêy pelixnayiş semedo ke waşteyê înan bêrêy ca ra partîyeke geyrenêy se lazimo ke ay partîyî de nezdîbîyişê cenîyan ra biewnêy. 

Alî di nuşteyê xo de wina dewam kerd: “Eke ewro elewîy xo HDPî de vînenêy se semedê herî gird ya neyî HDP xo kerda partîyeke cenî ya. Lazimo ke elewîy nêy raşteyan heme bivînêy. Cayê ke ruh, vîjdan, adeleta cenîyan esto se ocayî de nasnameyeke cîya nêşkeno bicuyo û biferq vînayiş çîno. Elewîy raya sifteyino ke Tirkîyayî û Kurdistanî de raştê partîyeke eslê înan, bawerîyê înan û qîmetêy înan ra bi hawayê rûmet ewnîyeno ra rî bi rî ameyê. Partîya elewîyan ya demeke a bi nameyê Tirkîye Buyuk Bîrlîk zî hintayê HDPî waşte û hevîyê elewîyan nêvata û nîyar da ca. HDP elewîyan welatijeke hevpar, azadwaştox û jûbîyayişî pawîyeye daya şinasnayiş û hinî yo zî.”


Kamîya elewîyan

Alî di nuşteyê xo de bal ant ser kamîya elewîyan, dîyar kerd ke tenê elewîyan ra aleqeder nîya heme civatan de mijûr bena, demokrasîya ke HDP wazena pêk bîyara, kesayetîya azad a kesan bivejo meydanî yo û ya zî civata azad ra kesan bivejo meydanî ra têkoşîn dana û esasê ay ney ser de ronîyaya, no esasî de esasê kamîya elewîyan zî kena.

Alî nuşteyê xo ra no dergî da: “HDP û elewîyan mîyan de têkilîyeke tenê waşteyê civatî bîyarê ca û zey esasê ray vînayişî nîyo. Elewîy esasêy ke, HDP civatkî, bi sîyasî û kultirî cuyayişeke xoserî ra xo sparteyê civatî kerda. Kamîya elewîtî û kultirê ci demokratîk o. HDP zî wazena ke demokrasîyeke sîyasî, civatkî, ekonomîk û pergala kultiran awan bikera. No esasî de elewîy esasê HDPî virazenêy. No proje HDPî de esto. No kiştî ra têkilîya HDPî ya bi elewîyan ra demê kilmî nîya demderge û stratejîk a.”

Tewr peynî Alî di nuşteyê xo destnîşan kerd ke rayeke bîn bêguman no weçînayişî de ray zaf muhîm o, çimkî eke HDP bendî ravêro pey de şikyena 10-15 wekîlêy elewîyan bieşrawa meclîsî û elewîy do navika sîyaseta Tirkîyayî bivirazêy, no manayî de gereke elewîy nêvajêy ke ez raya xo biderîy ney wekîlê CHPî ke wa felankes bivejyo û Lazimo ke wexta ke HDP weçînayişî ravêra ra pey bîyayiş û qewimyayişêy ke benêy bi çimêy xo bivînêy û goreya ney bifikiryê û raya xo biderêy. 


 NAVENDA XEBERAN



Cuyayişeke newe elewîyan ra


Alî di nuşteyê xo  de îzeh kerd ke HDP nêvana elewîyî ‘bê bikû ma mîyan’, vana ‘Bi bawerî û cuyayişê civaka xo bê min mîyan’ û zatî HDPa wazena Tirkîya û Kurdistanî de elewîy û bi xoserîya xo Dêrsim û vaşûrê rojawanî de şikyenêy bicuyê, elewîy bi ney hawayî do Tirkîyayî de bişîkyê cuyayişê xo yê xoser bicuyê, weş û geş bikerêy.


Alî wina ard ziwan: “Êdî elewîy do nêvajê ke kamcin partî do marê warêtey bikera. Bi HDPî semedê elewîyan tarîx û dewreke newe dest pêbikero. Bi kamîya xo, bawerîya xo û kultirê xo cuyayişê xo yê bapîranê xo, xo birayvistiş bikerê û sîyasalî û kultirî de cuyayişê xo bidomnêy. HDP û HDK navika ney rasteyî bîyarê ca ra do biberêy esas. No pencereyî ra lazimo ke elewîy bi çimê ray bidê HDP û HDKî gereke nêewnîyê. Gereke her keso ke ray dana bizana ke formilê çareserîya elewîyan û elewîtîyî HDPî de bi projeya. Bê guman beyanameyî de cadayişê ney mijarî zaf bi mana ya. No raya sifteyin o. Heteke bîn de gereke meyro vîrakerdiş ke têkilîy ke ronîyenêy û do bironîyê esasê nezdîbîyişê civata elewîtî bibêy û bigerêy destan.”