GULÎSTAN MIHEMED / ANHA/GIRÊ SPÎ
Wexto ke merdim keweno taxa El Mînbetîhî yê Girê Spî, vengê silogananê kesê ke vera hêriş û dagîrkerîya dewleta Tirkî de xover danî, eşnaweno. Merdim vengê siloganan bişopno, şono cayê çalakîya tirsê ganî.
Cayê çalakîye ra hêzê leşkerî, wesayîtê zirxinî û wesayîtê zirxinê dewleta Tirkî ke xendekan kinenî, yenî dîyayene. Sere de îzehetê Serekkomarê Tirkî Erdoganî û yê xeylê îdarekaranê dewleta Tirkî seba Girê Spî û Til Rifatî bîyo tehdîd û tehdîdê înan her ke şono zêdeyêr benî. Selehîyetdarê Îdareyê Xoserî zî dîyar kenî ke ê dagîrkerîya dewleta Tirkî qebul nêkenî. Xoverdayîşê tirsanê ganîyan zî vera tehdîdanê dewleta Tirkî de dest pêkerd. Kurd, Ereb, Armenî û Tirkmenê ke Girê Spî de cuyenî, yenî çadira xoverdayîşî û bedenanê xo kenî sîper. Çalakgêrî dîyar kenî ke bedelê ci se beno wa bibo, ê do sere nêronî.
Ma destûr nêdanî dagîrkerîye
Çalakgêran ra Emîra Elî va ‘ma wazenî nîşan bidî ke ma do sere nêronî’ û wina dewam kerde: “Ma do qetîyen erdanê xo nêteriknî. Wayîrê nê erdan ma yî û ma destûr nêdanî dagîrkerîya dewleta Tirkî.” Çalakgêran ra Husam El Tirkmenî zî bale ante cuya hempare ya şaran ser û wina va: “Ma do destûr nêdî ke dewleta Tirkî fitne bierzo mîyanê ma. Ciwanê Girê Spîyijî do vînceyêk erdê xo zî nêteriknî.” Hêzê Pawitişê yê Komelkî dormeyê xoverdakaran de 24 saetî tedbîrê ewleyîye gênî. Şar vera tehdîdan de biisrar xoverdayîşê xo domneno.