Kurdistanijê ke welatanê Awrûpa de ciwîyenê 15ê Êlûne de Strasbûrg de jew nûmayişê protestoyî virazenê. Konseya Kurdê Demokratîk yê Fransa ke nûmayişî organîze kena bi jû eşkerakerdişê nuşteyî Kurdistanijan ra waşt ke bi aktîf tewrê nûmayişî bibê. Kongreyê Cematê Kurdanê Ewrûpa KCDK-E û Hereketê Ceniyanê Kurd ê Ewrûpa rayverînê mîtîng û şiyayişî kenê. La belê heme saziyê kurd û dostan ê Fransa, Almanya, Swîsre, Belçîka û Holanda jî desteg kenê. Mîtîng û şiyayiş seba eleqe biancîyo sîstemê tecrîdî ê Îmralî û azadiyê Ocalan'î ser virazîyeno.
‘Bêveng memanê’
Kurdistanijî û dostê ci ke Fransa, Almanya, Swîsre, Belçîka û Holanda ra şirê Strasbourg, dê fina bîn waştişê serbestîyê Ocalan'î biqîrê. Bi mîtîng û şiyayişan derbeya AKP ê verra şaredarîyanê DBP û terorê ci ê verra kurdan ser zî protesto bibo. Şar do sernî de, Jûwîna Ewrûpa, Konseyê Ewrûpa û CPT, heme quwetanê maben-netewî ra biwazê ke, vera terorê dewleta tirk bê veng memanê. KCDK-E û TJK-E heme kurdistanij û dostê Ewrûpa dawetê şiyayiş û mîtîngê meşt ê Strasbourg kerdî.
KCDK-E û TJK-E ra teqwîmê nûmayişan
KCDK-E û TJKE çarçiweyê wastenê azadiyê Ocalan'î de planê çalakiyanê newey vet. Çarçiweyê planî de mabenê 17 û 30"ê îlon de, bi desan cayanê dinyay de çalakiyê ciya ê qandê azadiyê Ocalan'î viraziyê.
Goreyê planî 17"ê îlon de xeylê cayanê Fransa, Almanya, Kanada, Japonya, Avustralya, Avusturya, Hollanda, Ingîlîstan, Belçika, Norveç, Swîsre, Yunanîstan, Qibris, Romanya, Îtalya û Fînlandiya şiyayiş û mîtîngê viraziyê.
Mabenê 19 û 23"ê îlon de jî eynî wext de, zaf-cayanê Ewrûpa, Avuturalya û Kanada de, saet 19 de, çalakiyê viraziyê. 21ê Îlon de zî bi rayverînê TJK-E de ver Parlemena Awrûpa de nûmayiş do virazîyo. 24ê Îlon de zî, bi rayverînê gencan de xeylê cayan de, nûmayişê ciya dê seba azadîya Ocalan'î virazîyê. 21 û 30ê Îlon de zî ver temsîlkarînê Jûbîyayinê Mîletan ê Cenev de nûmayiş do virazîyo. KCDK-E û TJK-E veng da heme Kurdistanijan û dostanê ci û waşt ke, tewrê nûmayişan bibê.
ANF/PARÎS