Xoverdayîşê kurdan firaz o

Melayê Camîyê Selahaddînê Eyyubîyî Kasim Ulusoy vat ke Ewropa de taybetê camîyê Ewropa de cayê xebatê îslamîyetî, vîrdozîya nijadperest yeno kerdiş û wina vat: “Goreyê pergal û waştişê xo îslametîyetî newe ra dîzayn kenî. Cewherîya îslamîyetî de pawitişê mazluman esta labelê camîyetê tirkan de zey ke şarê bindestan ra zilmkerdişî raşt o nîşan danî, her roj kesê ke kamîya xo pawiyenî û dijî zilmê xover danî ra zewt danî. Cemîyetê tirkan de her roj xutbeyan de kurdan zewta ‘Terorîstê dişmenê Homayî, Homa PKKe qehr bikero’ kenî û kurdan ra zî bi zorî na zewta xo ra zî amîn danî vatiş. Ma zî dijî na nijadperestîya tirkan de çarçiweya lazimeya kurdan St. Avol û dorûverê ci de no camî awan kerd. Ma ewta de lazimeyê dînê xo hem zî raştmusayîşê îslametî yê domanê xo ser xebat kenî. No tarz camîyan seba raştmusayîşê îslametîyetî şert î.”

Problemê rojdemî

Melayê Camîyê Selahaddînê Eyyubîyî Ulusoy aşkera kerd ke ê roja îne kom benî û problemê rojdemî ser nîqaş kenî, xora îslamîyetî de xutbe esta û wina domna: “Nika Kurdistan de şaristanî yenî rijnayîş, doman, cenî extîyar bi zilmê yenî qetilkerdiş. Bi rojan cenazeyê ciwan, doman, cenî û extîyarê kurdan erdî de manenî. Kurdan ganî bi ganî veşnenî la ma xutbeyan de sewbî çikî ra behs bikerî no şaşîyêko gird o. No şaşî Homa zî qebul nêkeno, eke ma bêveng bimanî ma zî do hembarê no zilmî bibî.”

Dewleta Deccal

Kasim ciresna ke goreyê îslamîyetî Deccal do biwarzo xo ra sifreyêkî birono, na eyro, a roj a, dewleta Tirkîya, Erebîstano Siûdî, Katar û sewbî dewlete no sifreyî bi nameyê Deccal ronayî û kesê ke bi nameyê îslamîyetî guya xebat kenî na sifreyî ra roniştî û wina peynî kerd: “Nê fekî alîmê îslamîyetî, no wehşetî ra vengê xo nêvejenî, ez alîmê tirk û erebî yew hetî ra ronena û veng dana alîmetê kurdan; senî dijî no wehşetî bêveng manenî, îbadetî şima nîno qebulkerdiş. Ganî bi lezî rayîro raşt bivînî, Ya zî vebalê ci do giran bibo.”