Welatijê taxanê Lalebey û Alîpaşa yê Sûr ke dûştê qerarê rijnayîşî xover danê, waştî bi walîye ra pêdîyayîş virazê hetê polîsan amey manîkerdiş. Goreyê îdîayan Wezareta Dorûver û Bajarawanîye do dest bi rijnayîşî bikero. Qezaya Amed Sûr de çarçoveyê “Vurnayîşê Sûk” de qerarê rijnayîşê taxanê Lalebey û Alîpaşa ame dayen. Sûrijî vera na qerarî de xover danê. Welatijê ke vizêr waştî bi walîye ra pêdîyayîş virazê hetê polîsan amey manîkerdiş. Welatijê ke vizêr seatanê sodir de Meydanê Kîlîsê de amey têhet û waştî ver bi walitî şirê. La çormeyê Kêberê Riha hetê xêlê polîsan û bi TOMAyan ame girotiş. Polîsan destûr nêda meşa welatijan. Muxtarê taxa Lalabey û yê Alîpaşa ra pîya 2 temsîlkarê bînî yê taxan seba pêdîyayîşî şî walitî. La bê ke bi walî û qeymeqamî pêdîyayîşî virazê, peyser ageyray. Goreyê vatişanê muxtaran midurê polîsan dîyar kerdo ke, o do waştenanê taxijan biresno walî û qeymeqamî.
AMED