Koyê Kurdistanî teyna kela xoverdayîşî nîyê. Mekanê ke tarîxê Kurdan newe ra yeno nuştene, cuye newe ra yeno muntene û reseno reyanê xo yê. Gerîlayê nê koyan bi nê zanayîşî û fedakarîya girde hemrayî yê hetê manevîyatî ra xurt kenê.
Ciwan Zaza Çewlîg ra keyeyêkê welatperwerî ra bi. Pîya bi hirê embazanê xo 2003 de tewrê gerîla bi. Perwerdeyî ra dima Xakurkê û Behdînan de xebatan de ca girewt. 2016 de ravêrt Eyaletê Erziromî. Demêk o kilm de cografya nas kerde û resa herêmanê Çêrme, Azapêrt û Çawreşî.
Embazê Ciwanî yê têkoşînî derheqê ci de qisey kerd û wina va: “Ciwan embazêko erjaye bi. Bi karekterê xo yê fedakar û mutewazî demêk o kilm de Eyaletê Erziromî de zaf ame heskerdene. Pratîk de bi hawayo aktîf ca girewt û rayberîye kerde. Ciwan bicoş, bimoral bi û şehîdan û Rayberîye rê giradeye bi. Biqerar û biîstîkrarî tê gêrayêne. Çalakîyanê 2017î de tewr vernî de ca girewt. Ciwan herêma Çawreşî de tîmê çalakîye de bi. Herêma Çêrme de Temmuza 2017î de pêkewtişêk de birîndar beno û rixmê derba xo pêkewtiş rê dewam keno. Ciwan heta saetanê serê sibayî şer keno û tewrê kerwanê şehîdan beno. Keyeyê Ciwanî cenazeya ey kiştê dezayê ci Agirî yo ke 3 mengî verê şehadetê Ciwanî Dola Lameçî de şehit kewtbi de defin kerd.”
ANF / BEHDÎNAN